[人性] [感情事]我不會講你知，其實是第幾次: 心亂如麻

自從我發完脾氣之後， 
Stella少左好多上黎我屋企。 
我諗，佢想俾多D空間同時間我。 

其實每次發完脾氣我都會後悔咁樣對Stella。 
不過呢個時間我實在太過專注溫書，我亦都冇心情去氹番Stella。 
我諗，考完試先慢慢氹番佢啦。 

不過冇左Stella係身邊，我又有少少唔慣。 
平時溫到攰，佢都會同我鍊下骨，分享下佢學校既趣事俾我聽。 


而家佢唔係我身邊，真係有少少寂寞。 

我拎起電話，打算打俾Stella同佢傾下計。 
但係我突然發現，我有咩可以同佢分享？ 
唔通又同佢分享史記同明治維新咩。 
唔同佢分享，都可以關心下佢架姐？ 
唉，算喇算喇。 
溫書，唔諗咁多。 

就係咁樣日復日，我同Stella既溝通就變到少之又少。 



"Hugo，我訓喇。俾心機，早抖。" 

"早抖。" 

"早晨呀BB！我番學喇。" 

"嗯，俾心機。" 

漸漸，我地由日日見面，到幾日見一次，到淨係講下電話，到淨係簡單幾隻字。 


最後，有時我攰到連覆都唔想覆。 

有一日，我無意間見到Stella既blog。 

是你不想我啦　甚至不找我啦 
無非幾天變化　就像刮我幾千巴 
難道你共我親吻抱擁之後竟有偏差 
不想和我好　請求直說真話