[人性] [感情事]我不會講你知，其實是第幾次: Stella自白(2)
我真係冇用呀！咁就忍唔住喊...
諗諗下，可能我真係太煩喇。
佢溫書一定好辛苦。
嗯，雖然我好掛住佢，但係我好似真係太痴身。
都係唔好成日煩住佢喇。
算啦，我都係番屋企先啦。
自從個次之後，我唔敢煩住Hugo喇。
我真係好掛住佢呀！
打個電話俾佢好冇呢...
都係唔好喇，佢一定知道我支持佢既！
到左夜晚，Hugo都係冇搵過我...
我諗，SEND個MESSAGE俾佢都唔會太過份姐可？
"Hugo，我訓喇。俾心機，早抖。"
"早抖。" 佢覆得咁簡單架...唉...
訓左一覺點解好似仲攰既...
唔得！我要俾D正能量BB！
"早晨呀BB！我番學喇。"
"嗯，俾心機。"
但係，Hugo愈覆我愈簡單。
最後，有時我一連send左幾個message俾佢都冇覆我。
佢係咪覺得我好煩唔再愛我喇？
係咪我邊到做得唔好呀...
唔通佢仲中意佢之前提過既琪琪？
定係佢識左新女仔朋友呀...
好辛苦呀,我又唔可以問佢...
我好掛住個傻佬呀。
好想攬到佢實一實...
聽聽下歌，我真係忍唔住喊左...
我唔想你離開我呀Hugo...
是你不想我啦 甚至不找我啦
無非幾天變化 就像刮我幾千巴
難道你共我親吻抱擁之後竟有偏差
不想和我好 請求直說真話