[人性] [感情事]我不會講你知，其實是第幾次: 琪琪分手

唔經唔覺，自從我同琪琪上次冷戰之後， 
我地原來一直冇傾過計。 
原來一個人既出現，真係可以填補一個人既離去。 
呢一刻，我依然覺得琪琪係我心目中係佔一個位置； 
但同時，我好肯定我愛既係Stella。 
都唔係好多心姐可？ 

作為朋友，雖然我好想陪下琪琪，不過內心掙扎左一陣。 
都係算啦，廢事Stella知道左亂諗啦。 



"而家夜喇，有d攰，我唔出喇。但我陪你係到傾計？" 

"好啦咁。我岩岩同佢分左手。" 

"下？！點解呀？" 

"我對佢冇哂感覺..." 

愛情其實係咪真係咁兒戲？ 
傷心係因為愛因為緊張。 


冇哂感覺，唔緊張，唔愛，又何來傷心？ 
究竟琪琪而家諗緊乜？ 
我好想知，但無從判斷。 

"咁都好d。起碼唔係佢蝦你。如果唔係我打死佢。" 

"哈，你仲記得你講過乜野架咩？" 

"哈，你又記得我講過乜野架咩？" 



"緊係記得啦！佢對我唔好既話呢個係我護身符黎架嘛！" 

我地慢慢打開話題，又變番以前咁好傾。