[人性] [感情事]我不會講你知，其實是第幾次: Stella離校

呢個暑假，最重要既大事就緊係Stella放榜啦！ 
雖然佢好努力溫書，但可惜都係唔夠分係原校升讀。 
意味住我同佢以後都唔會再有機會係學校見面喇... 

"點算呀Hugo...我地以後冇得日日見喇..."　Stella講到想喊咁，我見猶憐。 

"傻妹，我地放學咪可以見囉。" 我安慰Stella。 

當然我心入面知道，今年中七既我，都要準備好考高考喇。 
見面時間真係會愈黎愈少。 


不過如果相信對方，距離幾遙遠都可以係埋一齊。 
唔係咩？ 

但係後來發現，我地之前既擔心都係多餘既。 
因為佢最後去左一街之隔既學校。 
結果我地都係一齊食飯一齊放學。 

唯一唔同既係，冇左Stella係學校痴身痴世，冇左Stella整野食俾我。 
真係好唔慣。我地唯有成日傾電話以解相思之苦啦。 
有時我都會同佢玩下msn個webcam。 



有一日，我同佢玩緊webcam既時候，有人message我。 

"做緊乜呀？我地好耐冇傾計喇。" 係琪琪。 

"冇呀。同女朋友傾緊計。" 

"咁唔阻你喇。你得閒先搵我啦。"我覺得琪琪有少少失落。 

"唔阻呀。你唔開心？" 



"嗯。同佢嗌左交呀...唉。" 

"因咩事呀？佢又小氣呀？"　我嘗試令到氣氛輕鬆少少。 

"一言難盡。你而家出唔出到黎呀陪我呀？" 

我心動，掙扎。