[人性] [感情事]我不會講你知,其實是第幾次: 沙灘漫步
其實我為Stella準備既野,主要係為左俾佢一個好難忘既生日。
點樣先最難忘?
當然首先掉佢落地獄再親手拉佢番上堂啦。
好似有D殘忍呀可?
本身我都冇諗過會咁複雜既。
我諗住正常女人聽到"偷食"之後都會想親自捉姦架嘛!
點知Stella一D都唔正常!
不過聽番樂仔講既經過,先知道佢居然愛得我咁深。
知道左我"偷食"之後,竟然想扮唔知!
Hugo呀Hugo,三生有幸呀你,好好對人啦。
到左夜晚,我拖住Stella,係沙灘漫步。
"傻妹,你今日開心嗎?" 我搣左佢面豬登一下。
"嗯。同你一齊就開心。"
"其實你中意我乜野呀?"
"中意你又低B又傻仔又白痴又蠢囉。" Stella對我做個鬼臉,之後又自己係到傻笑。
"你講多次?信唔信我JIT死你?咪走呀你!" 我不停JIT佢條腰。
"唔好呀!救命呀好痕呀!非禮呀強姦呀!"
"唔好亂嗌呀你!陣間我俾人拉左你唔好又喊苦喊忽呀!"
"你仲好講!你今日整喊左我好多次呀!你點賠償我既損失先?" 佢差住腰,扁起咀。
"咁呀,鍚番你啦!"
![](http://forum12.hkgolden.com/faces/kiss.gif)
"嘩!咁樣係益左你喎!"
"咁你想點呀大人?"
"俾我咬啖啦。" 佢捉起我手臂,二話不說咬左我一啖。
"呀好痛呀你個死變態婆!"
呢段時間真係好幸福好快樂。
我地訓左係沙灘,拖住手,望住個天,今晚居然睇到星星。
真係想永遠都唔會天光。