[人性] [感情事]我不會講你知，其實是第幾次: 小驚喜 (2)

鏡頭一轉，Stella，Candy同樂仔三個係黃金海岸既沙灘上面。 

"唉...Hugo都唔知攪咩...我生日都陪我唔到..." Stella皺哂眉頭咁講。 

"唔好咁啦，我諗佢都係有緊要野做先唔得架姐。我地陪你唔好咩？" Candy扮哂安慰Stella。 

"係囉。不過個衰仔竟然掉低你。我轉頭幫你教訓佢。"　樂仔懶係風趣咁講。 

"轉頭？" Stella問。 



"唔係，我意思係下次見到佢。" 樂仔即刻兜番。 

"唔好講咁多喇，其實呢我同樂仔係到Book左間房，不如上去放低D野先再落黎玩？" 
Candy啤一啤樂仔，怪責佢講錯野。 

"下？我會唔會阻住你地呀？本身你地拍拖多左我呢個電粒燈膽已經唔係咁好架啦。" 

"傻啦點會呢！今日係我地拍拖，樂仔係呀四咋。"Candy邊笑邊講。 

"丫我頂你個...." 樂仔準備發作。 



"頂咩呀！你夠膽就講埋佢！" Candy 作勢想打落樂仔到。 

"冇，冇。我頂你個patpat姐。" 
樂仔突然一下大大力就打左落Candy patpat，之後逃之夭夭。 

Candy激到面都紅埋。 
但樂仔跑得好快，佢都廢事追。 

"陣間你就知死！！你夠膽就唔好番黎呀" Candy只可以大嗌。 


呢一切既打情罵俏，係stella眼中，實在係酸溜溜。 
不過stella冇表現出黎，畢竟佢都唔想破壞樂仔同candy既心情。 

樂仔跑左一陣，又突然氣急敗壞咁跑番番黎。 

佢對住candy同stella講： 

"我唔知應唔應該講，但係...我頭先見到個死仔同個女仔上左房！" 
個死仔，自然係講緊我啦