[人性] [感情事]我不會講你知，其實是第幾次: 小驚喜
自從同stella既第一次之後，我就好努力去對佢好。
除左掉番轉照顧佢之外，我有時都會整一d小玩意俾佢。
我地好似糖痴豆咁，形影不離。
雖然佢要溫書，但我每日都會花時間陪佢溫書，同佢傾下進度，
睇下有冇野可以幫到佢。
話咁快，佢就已經考完會考。
而我亦都完成左中六。
第二學期既考試，我已經升左做全班第一名。
嗯，我真係一個天才。
考完試我地當然要好好慶祝啦。
當然，除左考完試之外，另一個要慶祝既原因，係stella就黎生日喇！
而今次，我決定俾個小小既驚喜佢。
我一早已經夾埋樂仔同Candy，請佢地幫我係生日既正日約Stella。
而我，緊係扮唔得閒喇。
而事實上，我已經係黃金海岸book左一晚房同埋自助餐。
但我要先去怖置一下房間。
所以唯有靠樂仔佢地幫我拖延時間，同埋引Stella黎酒店。
除左係房入面掛起好多唔同既粉紅色吊飾同心形擺設外，
我係床上面鋪左好多玫瑰花瓣，再點起左香薰。
當然唔少得就係蠟蠋啦。
我將係宜家買既蠟蠋砌成一個好大既心形，放左係地下。
我花左差唔多兩個鐘先佈置好。
而家我要做既，就係係stella黎之前點起蠟蠋。