[人性] [感情事]我不會講你知，其實是第幾次: 無理取鬧

唔知由幾時開始，我有一丁點兒覺得琪琪變左。 
變得無理取鬧。 

"琪琪，我今日都去左下白泥呀。"我send左我同stella張相俾琪琪。 

"死仔包，你真係帶女女去？！" 

"係呀，咁岩我想去睇日落嘛。" 

"你個衰人！我幾時准你同第二個去？哼！" 



"咁我又幾時准你同飛利浦去？" 

"點同呢，佢係我男朋友。" 

我都唔知點解會咁同琪琪講野。 
可能係見到琪琪話佢同男朋友去就得，我同第二個去就唔得，有少少火滾。 

"咁我同我女朋友去點解唔得？" 



"你夠膽就講多次？！" 

"我話，我同我女朋友去點解唔得？" 我斬釘截鐵。 

"琪琪顯示為離線" 

人都係自私，貪心既生物。 
對你好幾時開始係必然？ 
點解就唔容許我有自己既生活？ 
你又以乜野身份去管我。 


我又以乜野身份去對你好？ 

但諗深一層，到底係邊個話永遠對佢好？係我。 
到底係邊個話唔會俾人蝦佢？係我。 

咁到底，係你變左，定係我睇清楚？ 

"我們都曾因寂寞而給對方承諾" 
而承諾卻成為我們之間的伽鎖 

由呢一日起，我同琪琪既關係開始褪色。