[人性] [感情事]我不會講你知，其實是第幾次: 女朋友

時間追溯番去下白泥當日。 

"喂，好好捱咩？"我問捱住我膊頭既stella。 

"捱多陣洗死咩衰人。" 

"但係個咸蛋黃冇左好耐喇喎。"我指一指個天。 

"咁我中意捱住你係咪唔得先？"佢個頭依然冇離開我膊頭。 



"喂，我想知當日你究竟係唔係真係玩遊戲？" 

"係同唔係，重要咩？"　佢眼仔碌碌咁問。 

"唔重要，但我想知。" 

佢都係冇答我。 
係回程既途中，stella捱住係我到訓左。 

"起身喇肥野。你個頭好重。"我好粗魯咁打stella個頭。 



"你話邊個肥野呀？"佢差起腰，扮哂嬲咁。 

"邊個捱住我咪邊個肥野囉。" 

"哼！"　stella擰轉面，唔理我。 

"不過我中意肥野喎。"　 

"你而家咩意思先？我唔明喎。"　佢擰番過黎，面紅紅咁望住我。 



"唔明就算啦，我番屋企。"　我轉身就走。 

"喂Hugo，你個賤人！食完人豆腐想走呀？"　當然，佢拉住我。 

"我幾時食你豆腐呀？" 

佢手cool住我條頸，一野鍚左落黎。 

"岩岩囉。我唔理，你要負責任。" 

有人講過，唔洗表白既愛情，先會細水長流。 
但計我話，搵一個佢愛你，多過你愛佢既，先至係王道。 
起碼，受傷既，唔會係我。