[人性] [感情事]我不會講你知，其實是第幾次: 拉鋸

我張開眼，久違左既宿醉。 
望一望身邊既環境，確定左係自己間房，就去左洗手間洗個面。 
我記得琴晚收到個SMS，我記得同KARY飲醉左，仲記得... 
OH SHIT! 唔係呀嗎？我做過咩黎呀？ 
我記得我地鍚左....應該唔知幾多點就番左屋企.... 
慶幸我地冇下一步既行動，如果唔係就番唔到轉頭... 

其實呢一刻我真係好混亂。 
我又諗番起琪琪。 
所以我決定沖番個涼冷靜一下。 



Kary...我好清楚自己唔係中意佢，亦都知道佢心目中只得樂仔。 
所以我唔係太擔心，我諗佢都明白大家都係太寂寞先會錫。 
不過都係SEND個SMS俾佢攪番清楚件事好D。 
我唔想冇左個朋友。 

至於琪琪，樂觀D諗，其實佢只係話諗下姐。 
又唔係拒絕我，我都唔洗咁悲觀既。 
只要佢一日未同個男仔一齊，我都仲有機會。 



沖完涼，第一件事就係SMS KARY。 

"你冇野丫嗎？琴晚既事，我諗大家都唔好放係心到？" 

下一步，搵琪琪。 
我ON左MSN，見到佢咁岩ONLINE。 

"琪琪係到嗎？" 

"嗯。" 



"你..諗成點呀？"我開門見山。 

"你唔好逼我啦..."　逼佢？我逼佢乜野呀？ 

"好啦咁我唔問你喇，你諗好先話我知啦。 
琴晚玩得開唔開心呀？" 

"OK啦。" 

琪琪又變番以前咁靜，又或者佢係唔想同我講野。 
我亦唔中意強人所難。 

KARY亦都覆番我。 "嗯。你都唔好放係心到。我地仲係好朋友" 



琪琪同我拖拖拉拉左好幾個月。 
呢幾個月黎，真係好痛苦。 
佢冇俾正式答案我，但又對我忽冷忽熱。 
我腦海都好幾次出現"收兵" 既念頭。 
但琪琪一對我好少少，我就會好憎自己點解會咁諗佢。 

如是者，我維持咁樣既狀態，直至4 月。