[人性] [感情事]我不會講你知，其實是第幾次: 兩顆寂寞既心

即係點？唔洗畫公仔畫出腸啦。 
由佢點頭答應同我一齊，到佢依然同個男仔，而而家佢話佢要時間。 
一切都好似坐過山車咁快。 

有咩難受得過由凡間跌落地獄？ 
咪就係俾人帶上天堂再掉落地獄。 

我呆左企係Kary樓下，眼淚不自覺咁流左落黎。 
Kary本身打算上去，但係佢回頭見到我咁既衰樣，佢冇走到，淨係輕輕拍左我膊頭一下。 



我首先開聲: "我走喇。你番上去啦。" 

"我陪你啦。" 

我冇回應Kary，而係走左去7仔買左一打啤酒。 
之後走左去公園。 
我突然發現，呢個公園係我當日為左Bobo飲醉既地方。 
同一個地方，為左兩個唔同既女人。 
我，一樣頹廢。 



我不停自隊，Kary就係我身邊陪住我冇出過聲。 
到我差唔多飲哂既時間，佢突然走左去。 

"嘿，女人。走啦走啦，全部都走啦。" 我大大聲咁鬧。 
過左一陣，Kary就番左黎，拎住一打啤酒。 

"黎，我陪你飲。" 講完之後佢就開始飲酒。 
呢晚，我地輪流大鬧樂仔同琪琪。 
呢晚，我地打開心扉。 
呢晚，我地緊緊攬住。 


呢晚，我地鍚左唔知幾耐。 

呢晚，兩顆寂寞既心，唇齒相依。