[人性] [感情事]我不會講你知，其實是第幾次: 發酒癲

見到Kary之後，我發現佢面色唔係咁好。 

"飲野喇我地不如。" 佢一開口，好大陣酒味。 

"你做咩飲咁多呀？唔好飲喇。我地搵個地方休息下啦？" 

"唔制呀，我要飲呀。你唔飲我自己飲。" 

"唔得呀，算啦。我送你番去喇。" 



我去買左枝水俾佢。半推半就之下，我逼左佢上巴士。 

"做咩事呀你？做咩飲到咁醉呀？" 不過我都估到同樂仔有關。 

"關你咩事姐！樂仔唔理我，你又問問問，煩到死。" 

"OK喇，我唔問，你想講先講啦。" 

Kary可能真係飲左好多，冇幾耐佢就係巴士訓左，仲捱左個頭落我到。 
我冇理佢，就拎起左個銀包，拎番頭先同琪琪張相出黎睇。 


相中既琪琪笑得有少少唔自然，不過都係好甜。 
我係到諗，究竟我同佢而家算點呢？ 
佢同個個男仔而家又做緊咩呢？ 
原先以為我只要同佢一齊，佢就會為左我唔同個男仔去街。 

有人講過，要表白既大都數會唔成功。 
真係咁樣？ 

諗諗下，我都不自覺訓著左。 



"起身喇，Hugo，落車喇。" Kary叫醒我。 
原來我捱左係Kary到。 
我仲拎住琪琪張相，一定係我冇訓著左冇收好佢。 

落車之後。 

"你好D未呀？送你番去喇。" 

"嗯，訓左好少少喇。你同琪琪點呀？我見你地影左相好SWEET喎。" 
聽到呢到，我又不自覺咁甜笑左下。 
可能係人地眼中，我同琪琪今日真係好SWEET呢？ 

"可惜佢都係同左個個男仔去街。" 

我地一路行，一路講我同琪琪既事。 


而Kary點解飲酒，我冇過問。唔駛審都知係為左樂仔。 
去到Kary樓下，我收到個SMS，琪琪。 

"我要少少時間諗下呀，SORRY HUGO。"