[人性] [感情事]我不會講你知，其實是第幾次: 又到聖誕(2)

呢D咁重要既節日，緊係同琪琪過架啦！ 
我預先買左兩隻中性既手鐲，男女都帶得。 
手鐲上面有個K字，另一隻有個H字。 
哈哈情侶手鐲。 
另外再整左D手工玩意咁啦。 

下一步就係約琪琪喇。 

"琪琪小姐，就黎聖誕，請問你賞唔賞面一齊過平安夜呢？" 
我已經冇之前咁扭擰，話哂都已經熟左好多。 


我直接問佢。 

"日頭啦！我夜晚約左人喇！" 

我心諗，咁快手！唔通約左男仔？ 
"又約左人！一定係約左仔仔啦！" 

"係呀，約左個男仔朋友倒數呀。"佢答得直接。 

"你背住我同第二個去街？你死呀你！" 其實我好唔開心，不過我唔想顯露出黎。 



"去死啦你！我同邊個去街關你咩事姐？" 
可能佢意識到佢講得太直，於是就補到句: 
"講笑咋！咁你日頭得唔得呀？" 

"得，就你啦。" 

睇黎我又要係Kary方面落手... 

"Kary姐，小弟有事相求。" 



"點呀？想約本小姐去街呀？我好多人約架喎。" 

"去街就緊係樂仔陪你啦，我點敢呢。我想知呢，呢排係咪有人追琪琪呀？" 

"點解咁講？我冇聽佢講喎。自從上次好煩既男仔之後，都冇第二個啦。" 

"佢平安夜約左第二個男仔呀...你可唔可以幫我八下？" 

"好啦幫下你啦。我有咩著數先？" 

"我幫你約樂仔喇最多？" 

"唔洗，佢拒絕左我喇。個晚我想出去散下心，你陪我啦。" 



"下？幾時既事呀？" 

"早幾日之嘛。我冇野喎，想搵人出去行下姐大時大節。"