[人性] [感情事]我不會講你知，其實是第幾次: 琪琪哥哥

咩話？呀哥？ 
原來琪琪有個呀哥，仲要係Jacky？ 
睇黎我對琪琪都係唔夠了解，但起碼我鬆左一口氣。 
諗起我係唯一一個同琪琪過生日既人，真係甜到入心。 

天氣凍左好多，我想SEND 個SMS俾琪琪提佢著多件衫。 
望到我身邊條頸巾，仲加多左一句可以用我條愛心牌頸巾架。 

咦，咪住，頸巾點解係我到既？ 
仆街喇我唔記得送俾琪琪呀！ 


我即刻SMS佢。 

"琪琪，我唔記得左俾份禮物你呀。 你番左屋企未？ 
我拎落黎俾你丫？" 

"仔呀，食飯喇。" 老媽子叫我食飯。 

我見琪琪未應我，就食左飯先。 
食緊飯個陣，老媽子就話 ："天氣凍左，如果有人織頸巾俾我就好喇。" 
我差D噴飯，我從來都唔會講我感情事俾屋企人聽。 


佢地都唔知Bobo既存在。 
呀媽點知架呢？一定係俾佢見到條頸巾啦。 

我冇出聲，繼續食飯。我聽唔到聽唔到聽唔到... 

"你個衰仔，老媽子養到你咁大！你都未織頸巾俾我，你織俾邊個女人咁巴閉？！" 
哈哈哈，我老媽子居然吃醋。 

食完飯，我見琪琪都仲係冇應我，我就去沖個涼先喇。 
打下機，不知不覺已經12點，琪琪都仲係冇覆我。 


咁我就唯有訓先喇。 

訓訓下我好似隱約聽到MESSAGE聲，不過太眼訓我就冇理到喇。