[人性] [感情事]我不會講你知，其實是第幾次: 神秘男人

"唔撚係呀健呀嗎?......" 
如果係呀健，我一定打柒佢。 

"痴線啦。你記唔記得中二個陣同Connie一齊個個靚仔?" 

"靚仔？下？Jacky？佢唔係轉左校架喇咩？點解佢會識琪琪架？" 

"點知姐，佢地都行得幾埋，你自己執生啦。" 

Connie...中一我送公仔俾佢個個女仔。 


中二佢同左個靚仔一齊，個個就係Jacky。 
我聽到個消息後，個心沉左一半。 
原先以為係琪琪心目中，我佔左一個位置。 
但係原來呢個位置要同人share，實在係唔甘心。 

我飛番屋企，即刻搵Kary。 

"Kary姐，你識唔識Jacky?" 

"邊個Jacky呀？" 



"冇野喇。咁今日你知唔知琪琪同邊個去街呀？" 

"呀Hugo哥哥，你琴晚明明好興奮咁話今日你約左佢去街架喎。 
係咪玩野呀？" 

於是我將夜晚既事講左俾Kary聽。 

"呀，你等等，我好似有佢XANGA。" 我即刻上XANGA搵Jacky既相。 



Send左Jacky張相俾Kary之後，佢就冇應我。 
我等呀等，佢終於覆番我。 
食屎，佢係呢D緊張時候竟然去左沖涼！ 
仲要一沖就成個鐘。 

"哦，我知喇，哈哈。你輸硬喇今次。" 

我好似俾雷劈咁呆左係電腦前。 
咩叫我輸硬呀？ 
唔通佢地已經一齊左？ 
唔通佢地熟到一個程度我係唔可以觸及？ 

"因為，你口中個個Jacky，係琪琪既哥哥。"