死後，我成為了地府的牛頭馬面: 7.12

馬面突然把吳強從後拉出屋外，不理他的叫喊。

「放手啊！你做咩啊！」吳強猛力掙扎。

「時候唔早，我地要番去地府。」馬面冷冷回道。

「唔得啊......我要見番佢地最後一面啊......」吳強發難，拼命走進屋內。

可是凡人又怎可能逃出馬面之手？





「見佢地最後一面？頭先你已經見完。就算比你見到又點？你可以做到咩野？」馬面此番話，未免太不近人情。

「我地見佢地啊......伯爺婆啊！德仔啊！」

「馬面......不如......」

馬面狠狠盯了我一下。

「牛頭！你應該知道自己係咩身份！你應該知道自己係到做緊咩野！」





馬面命令我一同拉走吳強，可是我辦不到。

我只能眼看著吳強，帶著遺憾離開人世，悔恨終生。

黑白無常亦未前來，或許象徵他們還有一絲生機。

又或者是自殺成功，不被陰間接納。

但結果如何，對我而言而不重要。





我只是執行職務的過客。

唯一關心的人，在傷痛過後，只要喝下孟婆渴便會重新做人，把前塵往事忘記得一乾二淨。

從此沒有人在等伯爺婆。

亦沒有人在找伯爺公。

所有感情也有期限，不單是愛情，還有悲情。

從來沒有感情可以永垂不朽。

我與馬面把吳強從悲哀中帶回地府後，我忍不住質問馬面。