死後，我成為了地府的牛頭馬面: 5.21

「但點都好，好多謝你係阿福面前叫佢做阿仔，當係完成左佢一直以黎想有個爸爸既心願。」偌大的淚珠在從子淇面上劃出直線。

「十五年前我走左去，直到死左之後先番黎，要你白白等我十五年，你唔嬲我咩？」劉公子嗚咽。

「嬲一個人好攰架，照顧福仔已經好辛苦，仲要花時間嬲你，我咪好戇居？愛情邊有分對錯，係我初初選擇左你既，咁計落我都有錯架。」

此女子對情愛大徹大悟的態度令我敬佩。

「對唔住啊子淇......」劉公子眼中釋出了眼淚。





是真誠與悔疚的眼淚。

劉公子走近子淇，緊緊擁抱著她。

劉公子的擁抱，反而讓她感到驚訝。

驚訝過後卻是幸福溢滿。

苦等十五年的愛情終於來到。





「我真係傻，身邊有2個咁愛我既人，我唔去珍惜，反而去愛果班唔珍惜自己既人。」劉公子的淚水充滿悔恨。

凡人總不能用心判別是非真假。

不到遭受傷害的一刻也不知道自己痴心錯付。

遭受傷害時，凡人會控訴上天不公，埋怨他人，但卻從未反省過去為別人帶來的傷害。

因果循環，看不到的，不等於不存在。





只是世人不了解自己所作罪孽，或從不承認自己作罪。

劉公子不應埋子女，而是應反思自己所作所為，慶幸有一個人在默默守候他。