死後，我成為了地府的牛頭馬面: 5.20

英明神武，高大威猛，展開雙臂緊緊擁抱著媽媽與自己的超人爸爸。

與好色的劉公子應該是格格不入吧？

我的爸爸---在每位小朋友的心目中，每個爸爸也是超人，也是自己最愛的男人。

劉公子拿著畫作看了看，遲疑了幾秒。

「福仔，呢個男人係邊個黎架？」





「呢個......呢個咪爸B你囉。」福仔紅著面，躲到媽媽的身後。

「點解我係超人黎既？」

「因為媽咪話你好叻，又好識照顧我地，有咩困難都會幫我地解決！就好似超人一樣！」福仔做出超人的招牌動作。

「係啊......係架，媽媽照顧你都好辛苦。」劉公子笑了一笑。

此事子淇把福仔安置到飯桌後，再一次輕輕擁抱劉公子。





但他，依然沒有反應。

「阿劉，好多謝你送份咁好既禮物比福仔。」子淇放開雙手，退後數步。

「禮物？咩野禮物？」劉公子打量了雙手。

「過左十五年，你既老毛病一直都冇變過。」子淇微微笑了一下。

「老毛病，咩野病啊？」





「每當你講大話，或者覺得唔舒服，講野都會口塞塞，同埋不停講「係啊」同「係架」。」

劉公子被子淇揭穿謊言，視線不受直線著她的面孔。

「十五年黎，冇人提過你架咩？」子淇裝起一副母親教子的語氣，是打情罵肖的味道。

「冇啊，你都知我份人係點，仔女又唔得閒理我，身邊既女人又成日都唔同，邊有人會咁留意我。」

「因為佢地同你逢場作興咋！佢地係中意你d錢，冇錢，邊個會理你！」子淇搖搖頭。

劉公子沉默不語，垂下頭，像是反思自己的所作所為。