第二千三百九十四日，收到了第一封我愛你的信: 二

突然有隻手伸咗出黎，仲拍我個頭一下，我痛到鳩都宿，大叫「邊撚個拍鳩我個頭呀？」
我摸一摸個頭，望一望四周，個個都昅住我既，究竟邊個拍我呢？
「你..你...你有無事呀？你岩岩撞咗落條扶手柱度，痛唔痛呀？」坐我走廊對面個學生妹講。
「哈哈，係咩..無事無事，唔痛唔痛。」鳩都宿埋喎，實係好撚痛啦，不過我都扮到若無其事咁話唔痛。
呢刻我真係柒過周柏豪唱櫻花樹下，尷尬過關家姐。
而家完全無睡意，只係想架車快啲到站。
發完個夢鳩都宿，今鋪柒過柒姑碌，窗外風景look完又look，ig都碌到無得再碌，架車都仲係好似郁都唔郁。
我打開JOOX，隨機播放一首歌
「我聽見你的聲音 有種特別的感覺 讓我不斷想 不敢再忘記你」
呢首歌我係邊度聽過呢...




「我記得有一個人 永遠留在我心中 哪怕只能夠 這樣的想你」
好熟悉既旋津，我就係醒唔起...心裡面一邊亨，一邊諗..
「我愛你 愛著你 就像老鼠愛大米 不管有多少風雨 我都會依然陪著你」
亨到唔知第幾次...
「我愛你 愛著你 就像老鼠愛大米 不管有多少風雨 我都會依然陪著你」
我記起喇！終於記起啦！！！！於是乎我開心到唱埋出黎
「我想你 想著你 不管有多麼的苦 只要能讓你開心 我什麼都願意 這樣愛你」
今次連司機都剎車昅住我。

思緒將我帶到小學一年班。




「煎廳打普通哇堂蟹有稍稀屎精，桶sir炆奶天一首歌。」當年個位普通話老師，我極度懷疑佢無攞牌，普通話發音難聽過澳門特首崔世安。
前奏響起，呢首歌就係老鼠愛大米，亦因為呢首歌，造就咗我既初戀—呀影，全名趙影彤。

記得一次同呀草既對話。
「六歲？點叫拍拖呀？咪玩我啦，吹水你就叻，我先唔信。」打完波同呀草傾閒計，講起我既情史，佢咁樣質疑我。
「呢個故事係我既，個女仔係我既初戀，你可以唔聽，但係你唔可以唔信。」我好認真咁講。
「係我錯...」佢突然間喊晒口咁講。
「你...做乜撚野呀？我只係想你相信我咋！」可能係岩岩大聲咗小小，佢覺得我有啲炆，然後同我道歉。
「錯在我又識到個癲佬呀...點解我身邊無個正常人...就黎搞到我都傻埋...天呀..」佢望住個天同我講。
「我屌你呀...」呢刻真係唔知比咩反應好。





可能所有人都好似呀草咁睇我，覺得我吹水，不過係愛情裡面，年紀永遠唔係一個問題。鐘意人咪鐘意，拍拖咪拍拖囉，無分年齡既，去到今時今日，我地見面會用「初戀男友」「初戀女友」稱呼對方，有時有啲野，真係唔到你唔信。