第二千三百九十四日，收到了第一封我愛你的信: 一

「喂，伍京好，放左工未呀？有咩搞？」
「放咗啦，不過我而家又要開工喇，約咗條女食韓燒呀，遲下再同你地打波吹水啦。」
電話另一則傳黎一段恥笑既聲音。
「又係女行頭，你真係老婆奴黎，條女要乜你比乜，推佢一次都唔得。」
「我自有分數喎，唔洗你條毒撚比意見，何況都係一種愛既表現呀！」
「係喇係喇，知你有愛，不過叫條女食少啲韓燒啦，唔洗錢咩，我登你可憐咋...」
「得啦，我明架喇，再見。」
呢個打波友叫呀草，中學識既，佢係學校好似碧咸咁架，當然我唔係話佢個樣啦，論樣，我覺得佢八兩金都比唔上，而係佢係學校係萬人迷黎，好受女女歡迎，可能打波夠晒型，個陣時不論姐姐妹妹，食完個撚處就會坐係場邊做啦啦隊，一邊吹水，一邊睇住佢打波。自從我退咗學之後，我地都keep住有打波，關係唔會生疏，豬朋狗友我最多，但係呢一個，我一定無識錯。

放返好部電話，順手拎起個銀包「一...二...三...四...四百五十，唉屌，又要禁錢。」




「呀好，你爆晒粗口，個樣又咁愁，做咩？食完屎黎？」
呢個係我經理黎，佢叫安哥，人人都叫佢光頭安，因為佢個頭仲光明過我既前途，佢三十出頭，仲要光頭，有車有樓有幾間鋪頭，錢佢大把，可惜無頭髮。
「無..無..準備走架喇。」
「下個禮拜呢，有幾個新人返工，你帶住佢地啦，係就係辛苦啲，最多再下個禮拜，比假你休息下啦。」
「完全無問題啦，走先。」
走出鋪頭去銀行先後悔岩先咁爽手應丞咗。

禁完錢，望住個餘額，趺得勁過人仔，心情真係慘過食屎。手機一響，係我女朋友。
「我既寶寶(bb emoji)係邊呀(心心眼)，好掛住你呀(十鳩幾廿個錫)！」
「岩岩放工喇，而家答車出黎。」




「咁我都換衫先(又係十鳩幾廿個錫)，就到打比我啦(再黎十鳩幾廿個錫)。」
「我到大埔再打比你，慢慢唔洗急(十鳩幾廿個錫）。」
我女朋友叫碧澄，出黎做野既時候識既，四年前我退咗學，去咗老麥到做，個年暑假識咗佢，佢大我一年，我地拍咗拖四年，係我地拍拖兩年幾個陣，差啲就分手，原因係佢搬咗去沙田銀禧，佢話驚會日日見我唔到而傷心死，仲話長痛不如短痛喎，我心諗人地異地戀都未出聲講野，你就係度呀支呀左，最後我緊係唔會輸比距離啦，你估真係「遠距離的欣賞 近距離的迷惘」咩，雖然見面既時間係小咗，不過都無傷大雅，最緊要都係個心嘛，碧澄成績唔錯架，唔似我，佢屋企人想佢入大學喎，以家讀緊啲乜乜乜課程。仲有我想講下就係無論幾美滿既一對情侶，拍拖時一定會嗌交，記得有次同條女傾計無用emoji，佢話鳩我冷淡，嬲左我，自此我每次都會用十鳩幾廿個錫結尾.....就係咁，係車上chok下chok下，諗下野，就恰著咗。