[軍事][架空歷史]北極熊: 大清洗--刺殺行動(上)

冬日依然在東南方升起，照暖這片寒冷的土地。人們也如常的在上班上學。一條大街已被官兵封鎖，以讓沙皇陛下暢通無阻的到達宣傳部。

「喂，伊萬，今次真係爽，有其他人做埋我哋嗰份。」一名在封鎖大街的士兵向同伴說道。

「你話嗰班乜水啦拿？新兵呀？我都未見過嘅？」伊萬說道

「唉，理向左走向右走得佢啦，聽講尋日呀團長親自叫佢哋嚟嘅。」剛才那位士兵答

那群士兵自然不會是無端出現的，他們都是一群狂熱的共產黨員。





「各位同志，你哋有無信心，為無產主義事業同人民，獻出自己嘅生命？」為首的一名黨員問道。

「有！」雖然他們都壓低了聲音，但不難聽到他們對共產主義的狂熱。

「好，今日注定會被歷史記住，大家按之前嘅計劃行事。只要我哋成功，列寧同志就有機會趁亂起義，推翻沙皇政權，建立一個社會主義國家！所以，各位同志，加油！」為首的黨員繼續鼓舞著其他黨員。

「共產主義萬歲！列寧同志萬歲！」他們壓低聲音說完後，就各自回到了崗位。
--------------------------
我坐在前往宣傳部的車上，看著沿途的城市景色，總覺得有種危險的味道。而且，這味道還越來越濃烈。





「呯！」之後車子突然停下，我差點撞得頭破血流

「沙皇陛下，好對唔住，架車好似爆咗胎。。。」司機急忙道歉。

「咁你仲唔落去叫班衛兵搞掂佢？」我感覺到越來越危險，但仍佯裝鎮定。

「係，沙皇陛下。」

其實也不用司機告知，那些跟著我走的衛兵已經知道出了問題，提高了戒備。





「烏拉！為咗黨同人民！」一陣震耳欲聾的山呼聲從道路兩旁傳來。

而我自然知道自己「舐嘢」，卻不能離開。因為在厚重裝甲保護下的車廂顯然比外面安全得多。

跟隨着沙皇陛下座駕的近衛隊也自然不是白痴，紛紛拿起自己的步槍還擊。

在衝鋒的共產黨員一個個死於近衛隊的子彈下，在他們身上綁著的炸彈被引爆，煙霧阻礙了近衛隊員們的視線。在煙霧的掩護下，不少共產黨員已經開始接近那停在路中間的車。

「扑街！」近衛隊隊長暗罵

「全員衝鋒！我哋要用自己嘅身體去擋住佢地！」隊長大喊。

「烏拉！」近百名近衛隊員跟著衝鋒。