[軍事][架空歷史]北極熊: 尼古拉改革--石頭行動(3)

在年初聖彼得堡的街頭，周圍仍堆滿積雪，隨著冬日從東南面緩緩升起，街道上的行人開始多了起來，報童也開始叫賣着，好賺取微薄的收入。

「琴晚有貴族攪事，好彩俾公共安全與秩序保衛部嘅人發現，想睇詳情就買俄羅斯報啦喂！」一名報童叫賣着。

「要份俄羅斯報呀，唔該。」一個人彎低腰，遞了幾個硬幣。

那個人繼續走到了一個街道的盡頭，並進了一個隱蔽的房間。

「各位，我頭先買咗份俄羅斯部，睇怕佢哋要郁手啦。」





那份俄羅斯報放在了會議桌上，而與會者就傳閱着這份報紙。

「我果然無估錯，佢又點會放過我哋呢？」一人忍不住罵道。

「咁，大家，有無啲咩對策。」為首的那人無力的攤坐着。

「依家我哋都無咩對策架喇，沙皇陛下肯定會趁機削減我哋嘅權力，我哋一下就束手就擒，一下就起兵作亂。」一個老人無奈的說

「但係，基層士兵全部都係班窮鬼，以沙皇陛下佢又咁得佢哋支持，到時邊個唔會即刻倒戈相向？見步行步啦。」那個老人苦笑。





「咁我哋真係要。。。」一個貴族幾乎要哭了

「咁我哋就一於殺死個昏君！」一名中年人拍了拍桌子。

「我私下識宣傳部嘅一個人，佢話我知，個昏君會喺聽日晏晝去宣傳部，只要我哋喺途中設伏。。。」那個中年人接著說。

「但係，我哋夠時間準備咩？」一名老人質疑

「我已經plan好咗個大概，只要你哋嘅支持，我就可以實行呢個計劃！」





一些較為膽小的與會者早已離開了會議。這畢竟是刺殺沙皇呀，謀反大罪呀，這可不是說笑的。

「希望留喺度嘅各位，鼎力支持今次計劃。是生是死，就在此搏。」
----------------------------
就在那些貴族已經著手佈置明天的陷阱時，我還懵然不知的繼續敦促着下人把《完全廢除封建制度法案》盡早完成。

我彷彿已看到勝利的果實已向我招手，從此政令通行，乾綱獨斷。在這個時候，我終於可以為未來的日俄戰爭做好準備，和其他列強爭奪世界。讓全世界人都立正高呼沙皇萬歲。

就在明天，我就會親自到宣傳部簽署法案，並視察他們的工作。然後，整個改革將會宣告完成，離成功的日子也會越來越近。
-------------------------
「今次2營1排嘅排查範圍縮減至呢度，會有其他人去睇住呢度。」

「係，團長。」
---------------------------
呢排都要開始準備考試，所以有時會斷更，對唔住。大概喺六月尾會恢復以前嘅一日一更。都係果句啦，真係唔好意思。