[情慾小說] 上左家姐的中學美女同學: 第五章

第二朝, 約咗美欣響旺角鐵路站月台度等, 美欣見到我之後, 跟住見佢好似如獲救星咁鬆咗一口氣出嚟。 

「強仔, 見到你嚟我個心先識定番啲, 喂, 麻煩哂你喎, 總之過埋呢次我就真係要請你食飯先得嘞, 不過, 你今次上大陸有無通知你女朋友架?」

 我笑住同佢講, 「尋晚我已經發咗個訊息比佢, 話公司今日要我上大陸度睇數, 佢知我要做公司嘢, 就唔會過問我其他問題架嘞。」

美欣眼內正流露住感激之情。 到咗羅湖過關之後, 我哋再行去巴士站度上咗巴士, 行行重行行, 個幾鐘頭之後, 我哋終於都到咗美欣公司響大陸果間工廠度, 入到廠後, 工廠主管正領住我哋入去一間寫字樓房度, 美欣表明來意, 主管即時就攞咗一大堆似垃圾多過似單據嘅嘢出嚟放哂響枱上。

「啲嘢就響哂呢度嘞, 你哋就自己慢慢睇啦。」



我早就估到會有此一著, 佢哋咁做好明顯就係刻意留難, 等我哋覺得好煩之後就會草草了事唔再深究, 美欣見到咁唔知點算, 我見到佢望住我嘅表情, 跟住就由我嚟同個主管講。

「張主管, 我想問吓, 你哋有無一份詳細進支記錄可以提供比我哋睇吓咁呢?」

張主管搖住頭, 「無喎。」

我繼續講, 「咁你哋係響咩情況之下先通知香港方面要匯錢上嚟呢?」

張主管有啲唔耐煩咁, 「啲錢用哂咪就要香港公司匯上嚟囉。」



我繼續問, 「咁你哋收到匯款之後, 啲錢又會用響邊方面嘅支出度嘅呢?」

張主管態度開始麻麻, 「用響邊? 咪就梗係出糧交租買工具交際應酬咩都有過囉。」

我再追問, 「咁所有啲支出有無單據保留響度呢?」

「啲單咪就全部都響哂度囉。」

「全部? 包括伙記人工都響埋度?」



「伙記人工邊有數架, 啲人成日都轉嚟轉去, 總知計咗幾多咪就比幾多佢哋囉, 但我哋就無記低架, 點呀? 仲有啲咩要問咁呀? 點解以前都唔使咁麻煩, 而家就要搵人上嚟問埋哂啲無謂嘢咁嘅?」

我已經問完, 美欣仲係唔知點埋手至好, 我同美欣講,「我哋而家先將呢堆單睇哂去先。」

美欣一面驚訝咁, 「全部? 啲單成座山咁高, 咁我哋咪要有排睇?」

我細細聲響佢耳邊度講, 「放心, 我哋睇完之後就可以離開呢度架嘞, 嚟, 妳快啲幫我手分類先啦,我哋要睇吓呢堆單到底係啲咩, 同再計算一吓到底有幾多先至真係公司嘅營運開支嚟架。」 美欣聽到我咁講, 亦都認同我嘅講法。

我同美欣好快就開始睇單, 我教美欣要點將啲單去分類, 跟住我哋就將啲單分別加埋條總數出嚟之後, 然後佢就揸住呢啲數據帶番去香港度比佢老細作為交待之用。

已經搞咗成兩個幾鐘頭, 終於, 我哋已經將全部單據分類同加總, 搞掂, 可以走得, 我哋行去搵張總管謝過之後, 跟住我同美欣就離開咗呢間工廠之內。

「強仔, 佢哋真係黐線架, 啲單大部份都係果啲買煙買酒買衫同各樣嘅娛樂消費, 其他啲人工又無糧單提供, 真正工廠支出又只得啲唔齊嘅租單同一啲濕星工具, 其餘嘅錢都唔知係唔係入哂落佢班人自己個袋度。」

我笑住同美欣講, 「哦, 呢啲我哋就唔需要深究, 但妳番到公司就記住只需如實報告妳所見到同聽到嘅嘢就得, 其他屬於係妳猜測嘅說話就千祈唔好亂講呀。」



美欣笑住咁點一點頭, 見佢伸咗個懶腰, 「好嘢, 今次真係好彩有強仔上嚟幫我手, 如果唔係我都唔知應該要點算至好嘞。」