[情慾小說] 上左家姐的中學美女同學: 第六章

已經係下晝嘅兩點幾鐘, 美欣正一面興奮咁同我講, 「我仲諗住今次會搞到好耐添, 點知而家未到三點就已經搞掂哂所有嘅嘢, 喂強仔, 欣姐今次真係要好好咁多謝吓你, 嗱, 上次我同男朋友去過呢度附近果間酒店嘅餐廳度食飯, 果度啲嘢真係超級正架, 咁今次就等我請你去果度食番餐勁嘅, 就當係報答你成日幫我補習同今次嘅幫忙啦。」

講完, 美欣同我就截咗一部的士, 坐咗大約三四個字車程左右, 跟住我哋就去咗一間好靚嘅五星級酒店之處, 我跟住美欣行入酒店之內, 上咗一樓果間酒店餐廳, 美欣一坐低就已經係咁點住佢曾經食過果啲話係好正嘅嘢。

我哋坐咗響落地玻璃嘅窗旁位置, 玻璃之外, 下面正正就係面對住酒店泳池之處, 咦, 做咩下面好似有啲特別節目搞緊咁嘅, 見有好多人正響度排緊隊報名咁, 我同美欣就開始邊食住嘢, 邊係咁望住下面泳池啲人群嘅一舉一動。

有個待應生正幫我哋斟緊水, 我好奇咁問住佢, 「係呢, 想問吓下面泳池到底響度搞緊啲咩事咁呢?」

年青待應生笑住咁答我哋, 「哦, 今日我哋酒店搞咗一個特備節目, 凡係我哋酒店嘅住客又或者顧客, 只要係一男一女嘅夫婦又或者係情侶關係嘅人, 都可以報名參加呢個水上競技嘅活動節目, 而且冠軍仲可以得到我哋酒店今晚嘅免費豪華雙人瀑布泳池房間同酒店自助燭光晚餐添架。」



我同美欣望住笑咗一吓, 美欣問住個待應, 「咁我哋響呢度餐廳食飯, 咁算唔算係你哋酒店嘅顧客呀?」

個待應點一點頭, 「當然算係啦, 不過報名截止時間就到, 妳哋想玩就要快啲落去報名架嘞, 呀, 記住要帶埋泳衣先可以參加呢次嘅活動呀。」

美欣又再問, 「咁如果無帶泳衣嚟呢?」 待應好快咁答住, 「咁酒店大堂果啲商舖都有得賣嘅。」

美欣聽完又再望吓泳池下面, 望咗一陣, 美欣突然望住我講, 「喂強仔, 我哋落唔落去報名玩呀? 原來贏咗係會有免費自助晚餐同酒店房住架。」

我望住美欣, 「但個待應話….., 係要夫婦又或者情侶關係嘅人先至玩得過喎。」



美欣瞄一瞄咀咁, 「唓, 咩情侶要有証明嘅咩? 總之係一男一女咪就得囉。」

「但我哋…..」

「點啫強仔? 不如我哋就落去玩吓啦, 況且我都無諗住咁早就番去香港, 如果好彩比我哋贏到間酒店房嘅話, 我聽朝先番返落去都仲得呀。」

我哋好快地食埋啲嘢去, 埋單過後, 美欣跟住真係好快咁就行咗落去樓下泳池果度, 跟住我哋就真係排隊去報名參加呢個叫做 “愛, 作戰” 嘅酒店水上競技活動。

報咗名後, 美欣同我好快又走去泳池旁邊嘅酒店商場去買泳衣同泳褲, 我好快趣就買咗條泳褲同短褲著住, 而美欣就仲響試身室入面試緊泳衣, 等咗一陣, 美欣終於都響試身室度行咗出嚟, 但我望住美欣, 啊哦………, 鼻血已噴。



美欣正著住一套超性感嘅三點式泳衣行緊過嚟, 上截泳衣兩塊小布剛好勉強可以包住佢一半豐滿嘅胸肉, 而下身就係一條縛繩式嘅小三角型泳褲, 我望到有啲呆咗咁, 美欣見到我望到佢定哂格。

「喂, 點呀? 好唔好睇呀? 不過最衰就係頭先啱啱食完嘢, 而家個小腹就有啲肚腩仔凸咗出嚟添咁。」