[情慾小說] 上左家姐的中學美女同學: 第四章

美欣話佢未食飯, 所以佢話先去街邊買啲魚旦燒賣之類嘅小食先至去搭車。 

買完小食之後, 「喂, 行得嘞, 上到去邊食邊溫住書囉。」  

車上, 望住佢一路係咁食住啲魚旦, 但個咀邊就己經佈滿住豉油同甜醬咁, 我比咗張 tissue 佢, 見佢含住粒燒賣揸住串魚旦咁同我講, 「無手呀, 幫我抺啦。」

我輕輕咁幫佢抺住個咀邊, 見佢一面不區小節嘅表情, 美欣個咀好靚, 我再細意望真美欣個樣, 平凡嘅五官湊埋一齊, 居然能夠散發住一種不平凡嘅自然美咁。  

美欣見我係咁望住佢, 「喂細路, 做咩牛咁眼咁望住我呀? 我塊面係咪有啲嘢呀?」



我哋正互相望住嚟笑住, 一種令人心動嘅感覺正響我心內尤然而生, 跟住我再諗番起自己果個撐雞小姐, 唉, 點解人哋係可以咁女人架?

同美欣上咗樓之後, 我哋就要爭取時間開始補習, 美欣已經 take 低哂所有要問我嘅嘢, 而我亦好快咁解答住佢唔明嘅地方, 好快地, 大至上美欣都已經明白哂聽晚要小測嘅唔明地方。

「喂, 強仔, 麻煩哂你喎, 不過真係有啲唔好意思, 今晚居然會搞到你同女朋友…., 咁啦, 不如遲啲等我請你哋兩個食番餐飯嘞, 然後到時我可以順便同你女友say 番句 sorry 囉。」  

我笑住咁搖住頭, 「傻啦, 都唔關妳嘅事, 係佢自己脾氣大之嗎, 等過多一排佢就會無咩嘢架嘞。」

我又再嘆住氣嚟講, 「唉, 不過如果我女友可以學似妳咁不區小節, 咩都無所謂嘅話就好嘞。」  



美欣望住我, 跟住就再捉住我嘅手臂嚟講, 「互相就吓啦, 不過我巴辣果陣你又見唔到咁啫。」  

「唓, 妳有幾巴辣呀?」

「我惡架, 我惡起上嚟個樣真係可以嚇得死人架, 你唔信呀?」

「信, 妳個樣惡極啲人都想埋去錫妳一啖添。」  

「唓, 個樣惡又點會想錫人呀?」



「會架, 唔信妳又試吓做個惡樣出嚟吖嗱。」

美欣即時整咗個惡樣出嚟, 但好快, 我亦響佢個咀度錫咗一啖, 美欣嚇到即時呆咗響度咁。



我錫咗美欣一啖之後。 「喂…細路…, 咩你玩真架?」

我連自己都有啲呆咗響度, 「咁…妳個樣…又真係…好惡吖嗎, 所以…我咪就同妳玩吓咁囉。」 

美欣聽到我只不過係玩吓咁啫,跟住見佢亦都開始無咁緊張。

「喂, 諗吓點氹番你女朋友先啦。」

我搖住頭, 「唉, 嘥氣啦, 同佢講呢樣又話唔係, 果樣又話唔鍾意, 其實真係唔知啲人到底想要點, 唉…..」 講到呢度, 兩個人都無言以對。



星期五晚上, 我又收到美欣嘅訊息, “強仔, 求救。求救。 我老細要我聽朝上深圳間廠度睇吓盤數呀, 但我又真係咩都唔識架, 咁你話點算至好呀?”

我諗咗一陣再回覆佢, “咁妳有無同佢講話妳唔識睇呀?"   

美欣正在輸入中, “有呀, 但老細話好簡單咋, 剩係上去睇吓佢匯上去啲錢究竟用咗去邊度, 同再問吓佢哋點解呢排成日都要求香港匯錢上去喎。”

我再回覆佢, “恭喜妳, 妳已經成為一個專業嘅核數師嘞。

” 美欣正在輸入中, “咪玩啦, 人哋已經好煩嘞, 咁我而家應該要點做呀?”

呼….., 我再回覆番佢, “咁使唔使我陪妳上去睇吓呀?”

美欣正在輸入中, “好呀, 你肯咁做就太好嘞, 咁我就可以完全唔使擔心嘞。”