《我家姐竟然做咗我班主任？？？》: 【31】

我同家姐一向都唔會坦白自己心意，就會「多謝」都會收埋係心底，唔會講出口。

明明係心存感激，卻難以啟齒。

之後我因為有傷在身，只好係觀眾席上面做個廢人，到咗第二日決賽，仍然係David條撚屌贏咗。

見住佢上台頒獎嘅樣，囂張到......不可一世咁款。

咁佢係有實力，的確係串得起，我無嘢好講。





坐我隔離......社嘅漫澄，今日都成日坐係看台度，靜靜地睇比賽。

而家姐呢......佢都有參加比賽，學校好似有個比賽係專比老師落去玩下。

而家姐有時都會跑下步咁，所以佢當然有參加啦。

身穿短褲背心嘅佢，好似著咩都啱咁，完全無違和感，仲加多份性感。

佢身邊嘅男老師，無一個唔偷望佢，望佢白滑而纖幼嘅長腿。





家姐係操場旁邊熱身，又似模似樣，無可否認係有運動員嘅氣質嘅。

我走落去諗住同家姐打下氣，行緊樓梯嘅時候，遇上返嚟嘅David。

無錯，佢同我係同一個社，但佢有比賽，又周圍走去其他社度，所以好少出現係度。

佢fing緊手上嘅獎牌，得意洋洋咁望住我，吹住口哨。

經過我身邊嘅時候，細細聲咁講咗句：「廢柴！」，然後睇戲咁嘅表情望住我，睇下我有咩反應。





我知，依家我衝動嘅話就中計！

我無出聲，因為我一出聲，我就輸咗，係會洩咗道霸氣。

我瞪一瞪David，用眼神已經說明咗，「我係輸，但我唔似得你。」

跟住就頭也不回咁行落去。

即刻心情都唔方好得去邊，你可以試下，我包你會憎多David幾錢重。

不過好彩嘅係，我係欄杆旁邊，遇上一同想幫家姐加油嘅漫澄。

「Hi！」自從琴日之後，我覺得我哋嘅關係好似增添咗一層薄霧。

漫澄率先同我打招呼，令我有點愕然，因為平時都係我同佢打招呼先，如果唔係佢都會對我不瞅不睬。





「Hi，咁啱嘅？你都諗住同Miss Tai加油打氣？」我心情瞬間好返，頭先啲仆街嘢就無再放係心上，臉上展開無比燦爛嘅笑容。

「係呀，見佢平時咁照顧我哋，身為班長打個氣都好平常。」漫澄甜甜一笑，無咗以前嘅侷促。

感覺我哋嘅關係一步一步拉近，喱種感覺好喜悅，好令人興奮。

當你同鐘意嘅人一步一步接近，你會開心終於有進一步發展，同時你會期待及興奮，因為你期待之後會變得更加好。

不約而同地相遇，更讓我覺得，佢就自己一直要搵嘅人，確認自己要追到佢嘅心情。