《我家姐竟然做咗我班主任？？？》: 【17】

哇，講啲咁嘅嘢？

係喎，我都醒唔起，如果我頭先真係打緊飛機咁點算？家姐見到好老尷架嘛。

叫佢幫我？

痴撚線，諗咩呀你？成日諗埋曬喱啲咁嘅嘢。

「痴線咩你，我咁啱唔記得鎖門咋嘛，我要打飛機一定鎖門！」我反駁家姐。





「你都大啦，打飛機好平常姐，反而你唔打飛機嘅話，我會懷疑我細佬係咪唔正常，佢係咪基或者係乸型。

「入嚟做咩呀？」我遮下我啲情書。

「睇下你啲功課囉，話曬我都係你班主任喎！」佢出到喱一招，我無計啦。

佢拎開我隻手，睇下我寫乜鬼。

「喂喂喂！」我叫住佢，「我都未做功課！」





「咁你寫咩呀？」家姐佢死心不息，「哇！」

最終佢都係睇到.......

「你學人寫情書？」家姐佢先是一臉驚訝嘅樣，跟住就大笑。

「哈哈哈哈哈哈！依家咩年代呀？仲寫情書？」家姐佢班主任嘅氣燄頓時無曬，不過佢一向都無架啦。

反而係班房面對家姐會好唔自然，因為唔可以好似依家咁放。





「咩姐，咁人哋係鐘意睇小說，文青嚟架嘛。」我解釋道。

「你文青？」

「咪玩啦，你似mk多啲囉，你睇下你個頭，啲陰長到......」

「咩呀，我耐無剪頭髮咋。」我同家姐就係咁架啦，成日係度駁嘴，但一有咩事，都會即刻企出嚟。

「仲有呀，文青嗰個係漫澄.......」

「哦~~~~所以你先諗住寫情書。」

「仲諗住你會幫我架嘛，你唔幫我就算啦。」我玩激將法，跟住落嚟佢就會話幫我，我好清楚家姐份人，唔激得。

「咩呀！家姐似啲唔會幫嘅人咩？」家姐好認真咁講，我暗暗竊喜自己嘅計劃成功。





家姐動人嘅眼睛唔似係講門面說話，「家姐之前講過話幫你架嘛，講過就過數架啦！」

「仲有呀，無幾耐之前你先幫家姐渡過難關，家姐今次幫返你，好應該姐，係咪？」

家姐一邊講，一邊拎起我份情書，問都無問過我，就咁讀出嚟。

「親愛的何漫澄同學？」家姐佢見到已經笑到死咗，直接瞓係張度大笑，仲要張開雙腳。

雖然佢有著褲，但俾人嘅感覺都唔係咁好啦。

但佢真係笑到好無儀態，俾我哋班啲仔見到？一定仆曬街，唔屌真係唔係男人。

但喱一幕我由細見到大，已經見怪不怪，家姐佢只不過係由一個普通女仔慢慢變成靚女，再變成女神姐。





「做咩姐！唔係咁寫嘅話應該點寫呀？」我紅都臉曬。

自己寫嘅嘢俾人咁樣讀出嚟笑，點都會覺得......惱羞。

就好似你ig或者facebook打啲感性文，又話姐啲悲哀文，閃光文，俾你啲fd開出嚟，一隻一隻字咁讀出嚟，然後大家一齊笑。

想像下，感覺下，你就明架啦。

「你真係好鬼老土呀細佬，哈哈哈哈哈，成個毒撚表白咁！哈哈哈。」