我只不過喺自修室溫書，點知比我遇番佢。: 給小涼的信

給小涼的信
 
Hi 小涼，你收到呢封信唔好覺得奇怪啊，雖然呢個年頭寫信真係有啲怪。
 
原來我地都識咗年幾啦，我好開心喺中學生涯最後嘅階段可以識到你呢個好姊妹。講起上黎都要多謝阿楓呢。
 
其實一開始我對你係有啲敵意架，我覺得你好似搶走阿楓咁。
 
但係後來諗諗下，根本阿楓就唔係鐘意我，就算冇你出現都未必輪到我啦。
 


同你相處落，覺得你其實係一個好純品嘅女仔，而且對阿楓好好，見到你考試果陣咁幫佢，都令我有啲自愧不如。
 
最近你同阿楓嘅拗撬，其實係因為我，其實真係唔關阿楓事架。
 
我一定要講出黎，當係我走之前唯一嘅補償..
 
我就黎要搬屋啦，仲會搬去新界區，以後我地就會隔好遠先見到啦。
 
其實最近我地去旅行果陣，我同阿楓要求想搵下童年回憶，其實只係我想靠近佢嘅藉口。
 


佢係天生對人好，易對人心軟先冇拒絕我，佢對人果份好…都係我地鐘意佢嘅原因吧。
 
我係好鐘意佢架，但係我始終取諦唔到佢喺你心目中嘅位置。
 
喺呢到我想同你講一聲對唔住，因為我一時嘅自私而搞到咁大件事，仲爭啲令到你地分手..真係好對唔住，好對唔住..
 
希望你可以原諒佢..如果真係要犧牲一個人嘅話..你盡情去嬲我啦，等我去做呢個衰人。

我相信以後都冇嘢分得開你地架啦，希望你地可以永遠開開心心啦！
 


小霖字