我只不過喺自修室溫書，點知比我遇番佢。: <五十七>Last Day

話咁快就到咗我最唔想面對嘅last day，至此之後，就正式告別中學生活，踏入社會另一個階段。
 
今日我地都唔再有心機上堂，紛紛同唔同嘅老師影相留念。仲要難得可以明目張膽咁用電話。
 
「黎黎黎！ 大家一齊影張相啦！」阿王召集曬我地一齊。
 
「一、二、三，笑！」佢揸住機同我地自拍，影低咗可能係我地班最後一張嘅合照。
 
「我地又影！」阿星吹雞，我地就堆埋去。
 


就係不斷咁影影影，就過埋我地喺學校嘅呢最後幾個鐘，話咁快就到放學，不過我地梗係冇咁快散。
 
「喂阿楓，我地都影番張啦。」小霖過黎同我講。
 
「好啊！」
 
我地頭貼住頭，佢舉高咗部手機高炒咁影咗張相。
 
「我地好耐冇合照啦..」佢望住部電話，呆咗咁。
 


「係咩..哈哈，又好似係。」
 
「放心啦，我地實會再影好多好多相。」我同佢講。
 
「啦，你話架！」
 
「係啦！」
 
影咗一輪之後，我就坐埋一邊寫紀念冊，我地俗稱嘅還債。
 


「阿靜我地影相啦！」喺我埋頭苦幹果陣，我聽到阿月咁講。
 
「唔影啊！」
 
「咁算啦。」
 
「喂！影啦影啦..」下？咁就好翻啦..？
 
「唉..」我突然諗起小涼，如果佢可以出現就好..
 
「喂阿楓， 出黎啦！」阿月冇啦啦大嗌，咁我就出去睇下咩事。
 
出到去之後我就一時俾唔到反應，腳步亦一時退卻。
 
「小涼..」佢dup低咗頭..對住我似望非望咁。


 
「我做啲嘢就係咁多啦，其餘嘅嘢你地自己拆掂去啦。」阿月講完就走咗去第到影相。
 
「你..點解會黎嘅？」我開腔。
 
「阿月叫我黎..一齊影相..」係喎，佢帶住個訪客証。
 
「哦…」呢一刻我有好多嘢想同佢講，但係我竟然無言以對，講唔出口。
 
「對唔住啊..我其實都有唔啱..我好似迫得你太緊..」估唔到又要佢開口先，唉真係失敗。
 
「我錯就真啦！我講啲嘢太過仆街，辜負曬你一片苦心，我應承你啦，我唔會再亂講嘢，做嘢會諗後果，仲會出盡萬二分力溫好書啦。」
 
佢終於都笑，應該冇事啦掛..
 


「唔好嬲啦…」我行上前捉住佢對手講。
 
「嬲我就唔會黎啦..傻佬！」
 
「係我都知自己有錯咋，試下你真係激嬲我睇下你點死！」
 
「好囉好囉，巴渣妹番黎啦，我地去影相啦！」
 
「喂！等埋我地啊。」我拖住小涼跑去阿言果到。
.
.
.
我地最後喺學校門口，影埋最後一張相，就正式同學校告別。
 
我地果日玩到8點先走，所以就索性食埋飯先番屋企。


 
由始至終我都冇放開小涼隻手，相信經過今次我地嘅感情會再昇華多啲。