《三角•誌》: 3.3 有咗

「個晚Ashley話其實鍾意咗我好耐，好感激我一直以嚟嘅付出，然後，米扑咗囉。」
「乜你咁唔小心，好慳唔慳，慳買套個幾廿蚊？」
「唔係呀！係Ashley話佢係天主教，唔可以用呢啲違反自然嘅嘢。」既然係天主教咁又扑嘢？有時真係有呢啲咁嘅偽教徒，令到人人都以為教徒言行不一。
「所以有咗？」
「係呀。隔咗個月Ashley打嚟話有咗。個晚雖然都有拎出嚟射，但咁都中獎，冇計啦，唯有結婚囉，難得Ashley主動提出。Ashley打嚟個日我就同Cherry講分手，佢都知咩事，冇話喊苦喊忽嘅。」
「Cherry都陪咗你三四年，你估佢唔知你個心係邊咩。話說，有咗一個月咁快就知？」
「Ashley 話冇嚟m去咗睇婦科，一睇就中獎啦。」
「將軍，識你咁耐都知你屋企咩狀況，養唔養到呀你？生個仔四百萬呀！」
「唔得都要得嫁啦！Ashley話信教唔可以落仔嫁！」落仔就緊係罪過，又唔洗下下耶穌話嘅，Ashley呢啲人開口埋口講信教，真係打晒冷震。