「冒險」「生存」《香城之夢》: 怪物

佢既眼神俾人既感覺完全唔似係人。
 
個對眼，用野獸去形容佢反而會更加貼切，散發出同係動畫入面既野性角色一樣既氣場。
 
無錯，佢就好似一隻係草原尋找獵物既野獸咁。
 
呢隻Game入面居然設計左咁既NPC…定係其實佢都係玩家之一？
 
「發乜呆呀你！快D開槍呀！！而家係最好既機會黎呀！」
 




係我身旁既L忽然大叫，將我由不安既分析中拉返出黎。
 
無錯，佢講得一D都無錯，佢而家咁樣沿住電梯直缐跑上黎，想避開密集既火力可以話係十分困難，咁正正係我地既最好機會。
 
雖然仍然非常不安，甚至手仲係度震緊，但係我硬住頭皮，同大家一樣拎起手上既槍，向住電梯既「野獸」掃射。
 
Chris同另一位隊友甚至即刻召出一支機槍，將火力提升到另一個層次。
 
過百發，甚至逼近千發既子彈全部打哂去同一條電梯上，槍聲可以話係震耳欲聾。
 




如此有氣勢有威力既猛攻，都只係為左對付一個敵人，以現實既認知去評論的話，一定係太過火了。
 
就算佢係咩野獸都好，面對咁既火力佢都應該無乜可能…
 
但就係大家都打出哂所有子彈，忙於更換彈匣既時候，電梯既方向居然傳黎令人心寒既笑聲。
 
Elaine：「邊有可能…咁多子彈打埋去佢都好似一D事都無咁既…」
 
正如Elaine所講，對方一d事都無，同佢身處既已經變得殘破不堪既電梯相比形成強烈既對比。
 




要形容的話，就好似《龍珠》入面既斯路被一大批軍隊攻擊完之後咁，不痛也不癢。
 
不過，佢停低左，企係電梯上望住我地邪笑，仿佛嘲笑緊我地既軟弱攻擊咁。
 
搞錯…咁唔真實既設定放係呢隻Game入面好似…邊忽似GTA…！可惡！！而家根本唔係諗呢D野既時候！
 
我：「喂！炸左條電梯佢！所有既電梯都要！！手榴彈之類既炸藥你地應該有架？」
 
我向我身邊既隊友大叫，佢地一時三刻都未回過神黎，仍然思量緊我講緊D乜，就只有Elaine同L俾到反應我。
 
L：「有係有…不過就算用炸藥炸佢應該都無乜用…條友應該係鎖左血…俾唔到傷害佢…」
 
我：「我都估到係咁，所以先要炸左電梯佢等隻怪物無路上黎！我地先有機會撤退！好彩的話仲可以壓住佢等佢郁唔到！」
 
聽到我既計劃之後大家並無多言，只係迅速拎出身上所有爆炸品，準備將計劃付諸實行。




 
我地一邊用火力壓制，一邊就將所有手榴彈碌落電梯，好快電梯就發生巨大既爆炸，順利咁將電梯炸成兩截，仲炸出巨大既濃煙。
 
我唔敢鬆懈，繼續舉槍指向濃煙，怕佢突然從濃煙中跳出黎。
 
直至濃煙散去，我同Elaine先慢慢探頭出去睇下情況。
 
「啊呀呀…！！！」
 
係發現到佢既同時，佢就突然發出令人生畏既怒吼，好似想將一切都吞噬咁。
 
不過好彩既係，佢被爆炸既瓦礫所困住，動彈不能。
 
而且，佢手上仲有血同傷口，似乎終於受到傷害。
 




咁既爆炸都只係對佢造成小小傷害…怪物就真係怪物…我差D以為自己係Biohazard世界入面…
 
L：「總算限制得住佢既行動…不過跟住落黎要點做先係？任務話過要將佢交俾警察，即係唔可以殺佢…」
 
啊，的確任務係咁講，但以我地而家既能力，要捉住佢再交俾警察可以話係無可能既事，一不小心仲會俾佢反殺…
 
情況變得棘手添…
 
正當大家都思索緊下一步應該點做既時候，Elaine第一個開口。
 
Elaine：「我諗我有辦法。」