是咁的，我嘅職業係ptbf: 194.若你不曾幸福

「你真係⋯⋯講得好啱⋯⋯失去一個人，就係死。」阿純索一索鼻水，佢明明對眼望住我，但係中間空洞無神

「我同咗佢一齊七年，我嘅生活同世界已經同佢融合哂，我從來無諗過要食多啲仔，我知出面有更加多仲粗仲長仲耐架啦，但我淨係想要阿roy咋⋯⋯點解？點解我有佢就滿足，但佢有我就唔滿足呀？」

阿純飲水又好，食飯又好，沖涼又好，訓教又好，開門又好，搭𨋢又好，行路又好，抖氣又好，眨眼又好⋯⋯所有舉手投足都可以喺七年嘅回憶之中搵到同阿roy重疊嘅地方

「水真係好好飲，係最好飲。」

「咁以後養你淨係比水你飲啦。」



食飯嘅時候，阿roy會自動幫阿純食咗啲西蘭花

沖涼嘅時候，阿roy會唱歌

「你知唔知點解我鍾意訓教？因為有得摟實你。」

阿roy開門，好似歡迎英女皇咁鞠躬：「小姐請。」

搭𨋢嘅時候，佢地會熱吻，每當到一層有人要入，又即刻彈翻開當無事發生



「你踩住我個影呀。佢話痛喎。」行路嗰陣嘅踩影遊戲

呼吸嘅時候，聞到嘅身體氣味，七年之間，從未間斷

「你做咩唔眨眼呀傻仔？」

「因為眨眼會見少咗你一秒。」

我將阿純抱入心口



我寧願那些快樂離你而去

若你不曾幸福，現在又何來痛苦？