是咁的，我嘅職業係ptbf: 193.說一秒
「點解會攰架⋯⋯唔會架⋯⋯無可能架⋯⋯我地唔係講好咗要結婚架咩？唔係講好咗今生今世都唔分開架咩？唔係約好下世都要再見嘅咩？」
「係呀，所以你壓到我抖唔到氣囉！我地之間太多承諾喇，我地嘅未來枯燥無味，太多問題要煩喇！又要買樓又要擺酒又要生仔，諗起就煩！我而家淨係想無憂無慮咁拍個拖仔咋！」
阿純即使而家再重新講一次，仍然控制唔到自己嘅眼淚
當時佢上前捉住阿roy隻手，但被揈開
「夠喇！咪再煩我！我唔想成世人淨係屌一塊閪呀！」
我眨眼，望住阿純
佢吃力咁撥走面上嘅淚水
「都唔⋯⋯知⋯⋯點解會同⋯⋯同你講依啲⋯⋯」
佢喘咗兩口氣，好似忍住唔喊嘅朋友咁
傷人的說話，說一秒，傷一輩子