是咁的，我嘅職業係ptbf: 195.無辦法去除

「所以如果，無ptgf一切就唔會變。」阿純講依句說話嘅時候，當中只有唔忿氣嘅無奈

阿純呀，就算無ptgf，會變嘅人仍然會變架

「所以我想製造一個無ptgbf嘅世界。」

而最好嘅方法，就係殺一儆百

就好似死亡筆記嘅夜神月，以殺死罪犯，抑止罪惡



當人類知道自己嘅行為會招致死亡，就會自然對嗰種行為敬而遠之

最邪惡，但最有效嘅方法

但依種以死亡嘅恐懼作為抑制嘅方法，係咪真係長久有效呢？

只要一段時間唔殺人，殺人事件被時間洪流沖淡，而巿場上仍然有需求，咁ptgbf又會出現翻

阿純，你殺幾多人，都無辦法去除成個城巿嘅人，佢地身體上同心靈上嘅空虛



「你咁樣，真係好辛苦。」

就算賠上前途，仍然無辦法改變社會嘅狀態

就同公民抗命嘅烈士，佢地嘅姿態一模一樣