「東英」奔雷虎 : 耀揚: ( 9 )「立花正仁」

第二個，見到「飛毛」輸得咁肉酸，唔敢輕舉妄動，保持守勢，尤其以中路下盤，更為小心。

齊天一招「靈猴插眼」，好彩已經手下留情，放慢插出，都仲可以擋得到，但一擋插眼，下一招「猴子偷桃」就擋唔到喇。

两招，出局！

如是者，二十人，居然無人能夠「入圍」，最勁一個，亦只可以擋得上十招，就係蔡雄。

難怪蔡立賢一直都咁畀面齊天，可能一早知道佢有料到，亦唔怪得齊天自信，以一敵二十。





水靈見到，開心到真心笑出嚟（拍住手掌）：

＂齊師傅，好犀利嘅一招「猴子偷桃」，真叫人大開眼界，如果齊師傅真正使出，後果就真係慘喇。＂

無錯，無人敢再笑呢一招，有啲人仲不自覺咁去摸摸自己春袋「好彩仲喺度」。

如是者，只好以各人能擋多少招作為選出十二强，而呢十二位「明日之虎？」亦已經唔敢再睇小眼前呢隻「馬騮」。

宴後，水靈寓所，駱駝非常滿意今次嘅「收穫」：＂估唔到嗰隻馬騮齊天，竟然係咁利害，今次日本之行，咁嘅組合應該夠照啦掛。＂





水靈：“ 無錯，確係比起意料之中更好，不過。。即使武功更高，並非代表就能完成任務，五虎之所以係五虎，除咗好抽之外，都有佢哋獨當一面嘅辦事能力，唔係吓吓講打。就好似「洪興十二揸 fit 人」裡頭嘅「肥媽」同「大宇」吖，完全唔識得打，一樣撈得好掂。”

駱駝：“ 話時話，講起「打」，頭先食得咁飽，而家最好去「桑拿」—吓，亞倫，你有冇興趣？”

古惑倫：“ 今晚唔喇，老頂，一陣我仲要出席「和記」嗰邊，我同你提及過佢哋有一個架仔會員，剛剛入會，就已經想當「雙花紅棍」，今晚就係考期，邀請咗我同「洪興」陳耀去做見證人。”

水靈聽到：“ 倫少，「和記」真係有個咁嘅人？點樣考法呀？”

古惑倫：＂先前條架仔已經喺一個月內，霸起一條街，今晚，佢就要同「江湖十大紅棍」同時以一敵十喎，我哋東英都有人去。”





水靈：“ 估唔到，我離開香港一排後，江湖中，竟然出現咗咁嘅人，佢叫乜嘢名呀？”

古惑倫：“佢叫 「立花正仁」。”

水靈聽到呢個名字，心裡有一股奇妙感覺，不過，佢段估唔到「立花正仁」就係。。。（大家明啦）。。。終結佢生命之人。

水靈：“ 咁我哋「東英」，有邊個被「和記」揀咗去做「十大」呀？”

古惑倫： “ 咪「耀揚」囉。”

水靈聽到，心裡頭又再想起一年前，自己叫駱駝提升嘅「耀揚」，一年之後，已經被「和記」視為「十大紅棍」之一，係咪因為呢個原因，所以今日未有出席「盤菜宴」呢？

。。。「耀揚」，果然唔係泛泛之輩。

～ 待續 ～