「東英」奔雷虎 : 耀揚: ( 8 )「猴子偷桃」！

齊天嘅自信，確實係驚人，眼前二十人，每一個都係經歷過唔少「開片」嘅江湖人，絕對唔係一般人，即使單打獨鬥，連續咁應付二十人，都絕對艱難，更何況係一齊上？

原來，齊天嘅本事，係來自一個獨特專長，佢天生個子雖然細，但自小習武，更喺臂力上，下過唔少苦功，所以雙臂跟身材不成比例，不過，臂力大，都仲未係其「無敵」之處。

功夫博擊，各家自有所長，「洪興戰神 ~ 太子」，就係習各家所長，最後，選擇「泰拳」為最實較博擊之法，打遍拳壇丶江湖，幾逢敵手。

咁。。齊天又以何法，去令自己，戰無不勝呢？

一句，由佢二十歳藝成後，佢師傅跟佢講嘅說話「阿天，萬皆可破，唯獨「快」不可破」。





不過，「力」跟「速度」係得一難二嘅，所以，齊天已經練得臂力驚人，之後，就將「力」，轉化為「速度」，成功後，兩者已經適隨當時候變動。

所以，先前所講，其「動感意識」，一眨眼，就可以打出十拳，即使冇十拳，都絕對唔可以喺齊天面前眨眼，因為，佢已經熟練至喺人眨眼間，出招。

水靈見到齊天接受，未知齊天真正實力，亦唔敢太冒險有任何損傷：

＂咁又唔使，齊師傅，水靈意思，只係叫佢哋二十人，輪流接齊師傅所出嘅招，只守不攻，比較唔同人，能接你多少招而揀選唧，咁樣，既可以免傷和氣，亦唔使齊師傅要連接廿人咁唔公平吖。＂

人羣中，有人心諗「有冇搞撚錯呀？企喺度任佢打？阿叔我啲「無影腳」咪使唔出？」，亦有人諗「屌，仲諗住同佢博拳，睇下邊個捱得」。





其實，廿個打一個，難，一個打廿個，都唔容易啊，不過比起齊天原來所想，已經輕而易舉得多，

＂既然係咁，亦都適隨水靈小姐之意啦，不過拳腳博擊，要有來有往，先見到真功夫，只守不攻，未免對啲壇長進攻嘅博擊手唔公平，所以，就由得大家自由發揮，不過咁多位大哥，千萬要點到即止就好喇，若果唔係，一人打我一拳，我都唔使去日本喇。＂

水靈聽到之後，其實亦了解到齊天策略，因為「只守不攻」，其實係更難攻破，能接嘅招，自然就會多咗，所以，「點到即止」，有攻，出破綻機會就多咗，覺得齊天有勇亦有謀：

＂好，既然係咁，就隨齊師傅意思啦。。不過。。敢問齊師傅可有一招，係最為「必殺」嘅呢？＂

眾人都覺得奇怪水靈點解咁問，包括齊天，不過一頓之後，亦都回答：





＂有，係「猴子偷桃」。＂

好多人聽到之後，都笑咗出嚟，水靈亦微笑，眼波蕩漾：

＂吾？。。「猴子偷桃」？希望可以見識一吓啦。＂

跟著，水靈就向二十位「棍底」講：

＂你哋，每人將塊紅餐布，攝入褲頭前面，若然，有人喺齊師傅中你哋招之前，仍然保持到塊餐布嘅，就當「入圍」啦。＂

二十人聽到後，都照做，即使有人心諗「屎忽鬼，想摸我哋春袋？」，準備好後，就由抽籤決定邊個打先。

第一個：" 齊師傅，我叫「飛毛」，請指教。"

呢個，正好係剛才非常自滿自己「無影腳」嗰個，而後面，已經有佢啲「支持者」大聲嗌出：





“ 飛毛哥，踢爆佢春袋啦！！”

果然好快，腿影一閃，中。。。齊天如鐡一般嘅巨臂。

「猴子偷桃」！

「飛毛」，一招出局！


～ 待續 ～