當年我曾經追到一位女神,但我竟然飛左佢。: 後篇:阿東(二)

我黎左外國已經過左三個月啦,差唔多完全習慣哂外國既生活模式。

去餐廳叫野食已經難唔到我,而去其他地方玩就有Alice帶住我。

由於我地兩個好多時做咩都係埋一齊,好快我地就成為左一對密友。

我對Alice既感覺似友非友,愈熟就感覺愈黎愈唔清楚對佢既感覺。

但係我知道,我係一個有女朋友既人。





有幾次出街佢無啦啦拖住我隻手行,我自己都有啲唔好意思。

直到終於有一次,我地去到一個地方有個好大既草地,我地兩個一齊訓左係到望住個天。

為左搞清楚佢對我既關係,我望住個天問佢:

「What do you think of me?」 我問

「you are so nice and sven guys...................」 Alice答我





「Sorry I think I need change my question, what do you feel of me?」 我換左方式問

「you are my best friend, just friend.」 Alice好似feel到我諗既野

「I think so, you are my best friend too.」 我咁應佢好似有啲怪

原來只係佢比較熱情,而唔係對我有感覺,雖然我一早估到,但依家親口確定左我放心左好多。

訓左係到差唔多十五分鐘,Alice你我隔離起身再拉住我兩隻手拉我起身。





「lets go, I think here can take a beautiful photo .」Alice邊拉住我邊講

我點左點頭佢就拉左我去前面個湖到影相。

番到寄宿既屋企,family見我番左黎就食晚餐,食緊晚餐既時候都有問我今日去左邊同玩得開唔開心咁。

佢地真係好關心同在意我,令到我好放心。

上到自己房,Alice inbox番今日影既相比我,我見唔無野做就睇番之前同佢影既相。

我地每去一個對地至少影左差唔多五十幾張相。我亦都由一個唔鐘意影相既人變到去到邊都要影幾張。

突然whatsapp彈左個message出黎,仲要係沉左底好耐既班群。

「好耐無見大家啦,不如大家聖誕節約到出黎bbq見下?」





係由班文任文老師send出黎既,係喎文老師唔提我都唔記得就黎聖誕。

難得一次畢左業既聚會我無得去,唉,我都好想見下大家。

等左陣都無人覆,我見阿彤online緊就打比佢問佢去唔去,順便傾下閒計。

嘟嘟......................嘟嘟...............................嘟嘟

響左差唔多三十幾秒佢都無聽,明明仲上緊線,我禁返出去佢已經變左最後上線時間。

香港個邊應該係朝頭早,可能咁岩阿彤起身禁熄鬧鐘。

唔知聽日訓醒會唔會有多啲人覆呢?我計好鬧鐘就進入左夢鄉。