當年我曾經追到一位女神,但我竟然飛左佢。: 後傳:阿彤(二)

自從嗰次之後,每次我問阿東關於佢係外國既事佢都會粗略帶過。慢慢我地由每日傾電話變到一個星期三次,最後變到每星期一次。

我好驚我同阿東依段關係就咁就完,究竟係唔係每對情侶一過左頭三個月既熱戀期,大家就算有咩事都會開始瞞住大家?

定抑或係只係我自己諗得太多,阿東根本就無野瞞住我?

一諗到依到我個頭就好痛,我唔夠膽開口問佢,我驚一開到口佢會覺得我唔再信任佢,搞到大家冷戰。

我訓係張床上面,一直係到亂諗野,感覺我同阿東既距離愈黎愈遠,已經變到唔單止地方上既距離,而係大家既人生開始有分叉..........






講返我學業個方面,中學時候聽到既大學唔洗讀書,我可以話比你地驪係完完全全係假既,大學既生活係比中學更加辛苦。

每個sem(學期)都非常之壓迫,上堂少左好多同學係到講野,取而代之係一片沉寂既氣氛。

只有阿sir講野既每一堂,大家都好似被考試所困擾住咁。

我諗在坐既咁多位同學,每位都好想返到去細個既時候,無憂無慮咁過每一日。

小學時期既天真無邪,中學時期純真既愛情或者係輕鬆既初中生活,慢慢上到高中DSE既難關,我地都可以互相鼓勵咁捱過。





遺憾既係,我地每個人都迫住要長大,往事只可以默默咁回首,係腦海中回憶,有時諗番過去,不禁諗起好多遺憾。

「喂,阿彤,阿彤呀。」阿兒係隔離唔耐煩咁叫我

「sorry,岩岩諗緊啲野。」我係沉思中返到黎現實

「無咩特別野,我想問下妳識唔識計依條數啫?」阿兒好困惑咁望住條數

「哦依條其實好簡單,首先妳要調過黎,再將依個解左佢。」我好有耐性咁解答阿兒既問題





放學之後阿兒約左班中學同學出黎聚一聚,所以我地放學就各行各路。

臨分開既時候阿兒同我講:「得閒就約下中學同學啦,佢地算係妳生命內面最珍貴既朋友。」

「有機會先啦,快啲行啦妳,就黎遲到啦妳。」我講

其實我又何嘗唔想約佢地出黎呢...................

無奈既係中學畢業之後大家都有新既生活,有人選擇返工,有人選擇繼續讀書。

或者有人會選擇出國留學見識下世界..................

想約出黎見一面係一件非常困難既事,好難就到大家既時間。





初頭可能有二十幾人出席,慢慢變到愈黎愈少。

唔係大家唔想見,而係要為自己既生活而忙碌。

返到屋企,望返謝師宴既相,我諗依次係唯一一次亦都係最齊人既班相。

諗番大家一齊經歷過既野,搞到依家有少少想喊。

由散沙變到團結,由陌友變到密友。

每件事都記憶猶新,唔知幾時再有機會大家再有機會約出黎聚下呢?

第二日朝早迷迷糊糊起身禁熄鬧鐘既時候。

手機收到班群既whatsapp:





係班主任文老師send過黎:

好耐無見大家啦,不如大家聖誕節約到出黎bbq見下?

本來已經沉底既班群group由谷底彈返上黎。

但係等左半個鐘都係得一個人覆左句好,其他人唔知未睇到定未起身。

我都係等晏啲先覆啦,睇下多唔多人去再算,我又番番去我個美夢到。










(sorry,抖左兩個幾月返黎收尾啦,依篇故完左可能會再開新一篇,將軍篇故我覺得有啲爛,仲有人睇既話比啲意見我.........
真係好對唔住要你地等咁耐。應承你地依篇絕對唔會爛尾))