當年我曾經追到一位女神,但我竟然飛左佢。: 特別篇:520

阿東:

仲記得我提出分手既時候,我就下定決心唔想佢再同我依個一無是處既人一齊,仲係心裏面祝福佢搵到個更好既男仔。

但我發現我點都忘記唔到佢,我地一齊經歷過既野,合照,禮物,仲有阿彤揮之不去既笑容。

明明係我唔想辜負佢先放佢走,我明明應該睇通哂,點解我個心仲咁痛咁難受?

係分手個一年既5月20號,我見到facebook有好多post都係叫鐘意人就表白呀,情侶既就大家互相送下禮物咁。





而我...............望住依一個個post我又諗番起阿彤......

如果我果時唔同佢分手,我地依家會唔會慶祝緊依一日?

我拎起手機出黎,開左whatsapp出黎搵封存對話,諗住阿彤已經一早block左我,點知我仲見到佢既頭像同狀態 。

佢既頭像係自己一個人企係海旁既背影,唔知邊個幫佢影相既呢,狀態係多麼想回到從前,唔知佢係唔係講緊我地兩個既關係。

我多手咁睇番以前既對話記錄,以前既我地乜都可以講一餐,睇下睇下唔知幾時開始睇野愈黎愈朦............





我好想再一次同妳無所不談,陪妳傾通宵,可惜依一齊都一去不返 。

好想同妳講多次我愛妳,挽回依一切,正當我輸入中既時候,妳突然既在線上令到我再次無膽將我所講既野送出 。

都係算啦,無謂再騷擾妳,刪左我想講既野就放低部手機,進入夢鄉裏面 。


阿彤:

我同阿東已經分開左兩至三個月,有人話過分手愈耐,女仔就會慢慢忘記個男仔,但我正正相反,我對阿東既事愈黎愈恥恥於懷 。





成日擔心佢無左我會唔會無心機讀書,各樣野我都為佢擔心,但我已經無可能再當面問佢,既然佢想分開我都要接受依個事實 。

但到頭來好似最放唔低既就係我自己,諗番佢由一個怕羞仔轉變為咩都係為我做既男仔,我開始懷念之前既日子 。

望住銀包既合照,分左手一段時間我都唔想攞走佢,我驚一拎左就會連同我地之間既回憶一齊流走,無得返轉頭 。

你地可以話我好蠢,仲以為有得返轉頭,係我就係咁傻,先至會鐘意阿東 。

係5月20號個日,無論係網上面定抑或街上面都有各種閃光彈,雖然我無比啲情侶閃親,但我同阿東一齊既回憶就不斷湧出黎。

我開手機諗住睇番以前我地既對話記錄,我連合照都無拎走咁當然亦都無block到阿東,更加希望佢仲會留意我既狀態,個句正正就係我想同佢講既野 。

點知一禁到入去就見到輸入中..........睇黎阿東亦都無block到我 。





唔知係唔係見到我一上線阿東由輸入中好快就變番最後上線時間 。究竟你想同我講咩?

我雖然好想問佢,但我無咁既勇氣,我睇左一陣我地之前既對話記錄,好快我就流哂眼淚,我唔想再睇落去,我lock番部手機,訓左落床,只係想依一日快啲過去 。



阿東x阿彤:


係我地復番合個晚,亦都係中四既時候個晚我同阿靜講清楚跑去佢樓下個晚,我好成功咁成功追番佢 。我地個晚就成晚係到傾閒計 。

「其實呢,你中二個時5月20號想同我講啲咩?」阿彤問我

「妳係唔係講緊whatsapp個陣?」我講





「係呀,你輸入中果時,明明見你輸入中但好快就off左 。」阿彤好奇咁問我

「簡簡單單三個字,可惜個時我連打出黎既勇氣都無,如果打左出黎你會唔會接受番我呢?」我講
 
「你依家連果三個字都唔講出黎,我依家都好難接受番你架喎 。」阿彤講笑咁講

「我兩年前想講既野亦都係我依家想講既野,我愛妳 。」我望住阿彤講

阿彤亦都望住我比左個幸福既笑容我 。



=19.5px其實鐘意人既又唔洗等到520先講既,有心隨時都講得,依個日子只不過係比平時你講唔出既肉麻野係今日講出黎 。






快啲對你重要既人講聲:我愛你啦