當年我曾經追到一位女神,但我竟然飛左佢。: 後傳：阿東（一）

岩岩去到外國可以話完全唔習慣，一黎無左熟悉既親人同朋友，二黎講野由廣東話突然轉左去英文。

我一時之間都好難習慣到依種模式,但係依條路係我自己所揀既,唔可以有後悔既感覺。

去到之後我住係一個寄宿家庭裏面,照顧我既係一對比較年老既夫婦。

佢地不單止無厭我唔太識講英文,反而仲慢慢逐個逐個字講出黎,比我容易聽同習慣。

係平常下晝既時候佢地亦都需要返工,係岩岩黎到外國既時候佢地會幫我準備埋午餐帶返學或者我放早既時候下晝有野食,而晚餐就一齊食。





佢地仲教埋我係邊到有車可以搭去鄰近學校既地方,甚至仲會親身帶我去幾次,等我認下路。

如果無佢地,我諗我過多兩,三個月都仲未適應到依到既生活。

我有守到誠諾,基本上每日都會抽時間出黎打比阿彤傾下計。

聽到佢係大學識到玩得埋既朋友我都放心好多,起碼有個人會關照下佢。

而我未適應到外國既生活我都盡可能收收埋埋,盡量唔比阿彤知道,廢事佢會擔心我。





黎到外國既大學生活,究竟同香港有咩唔同,答案係我都唔知,因為我唔知香港讀大學既情況,但我聽朋友講係非常先辛苦。

而係外國大學既生活基本上你係果個國家既人,你都唔會聽得明教授所講既野。

開學既時候會派一份關於上堂講既清單,你自己需要去圖書館搵依啲書出黎再自己慢慢搵重點,所以我每日放學都會留係圖書館。

好多香港既朋友問我溝唔溝到鬼妹,我答佢地無,原因係鬼妹根本對我地香港黎既學生無興趣,好多時討論既只係學術上既野,好少會討論到私事上面。

但係朋友我就識到個,依位叫做Alice,係一位土生土長既金髮靚女,不過同阿彤比就差緊啲,好多時候我地都一齊睇下書單上面既書搵下重點。





由討論學術方面既野到討論自己既事情,我又發享下香港既奇聞,佢又分享下外國既奇事。

有陣時我聽唔明佢講既野佢都會好有耐性既再次解釋比我聽。

放假既時候佢會帶我去唔同既地方參觀下,又會帶我去食好西,Alice可以話係我係外國既專業導遊。

咁岩十一月既某一日我又放假,今日我留左係屋企趕份報告,而依個時間阿彤就打黎:

「點呀,檸檬姐香港既時間應該係凌晨一點啦喎,仲未訓既?」我第一個開口問

「無呀,訓唔著咪打比你傾下計,你果邊應該下晝啦做緊咩呀?」阿彤好精神咁問我

「咁岩今日放假我咪留左係屋企做報告囉,妳果邊又多唔多功課呀?」我問

「唔多,但係一份就可以做你三個星期,加上考試考得好密,上堂啲野唔明都無咩時間再問。」阿彤講





「哇咁妳一定好辛苦啦,唔好比咁大壓力自己呀,有時間就早啲訓啦。」我講

「我都想呀,岩岩先溫完書,點知飲左罐咖啡之後鬼打咁精神先訓唔著,係喎上次唔記得問你有無識到新朋友添。」阿彤好奇心發作

「緊係有啦,識左個金髮正妹叫做Alice,土生土長既外國人,平時學校放假佢都會帶我周圍參觀下。」我興奮咁講

「.................真係朋友咁簡單?無其他野?」我感覺到阿彤有少少懷疑

「係,我發誓無其他野,只係普通既朋友,我唔會背住妳去同其他女仔一齊架,信我。」我認真咁講

「嗯............咁無野啦我都係訓先啦byebye。」阿彤講完就收左線

而我亦都唔好意思打番過去嘈住佢,比阿彤咁樣問完一問,我覺得自己對Alice產生左啲唔止朋友咁簡單既關係.....................