當年我曾經追到一位女神,但我竟然飛左佢。: 後傳:阿彤(一)

距離阿東去左外國讀書既日子已經過左去兩個月,我既大學生活亦都開始左。

九月頭既o camp我無參加到,一黎無咩興趣,二黎阿東驚我識埋其他男仔,所以我就好似中一咁,重新識過朋友同習慣大學既生活。

以我所識既中學同學之中只係有幾個同我一樣入左依間大學,但我同佢地唔係好熟,所以都無咩點連絡。

本來聽其他畢左業既同學講上到大學係唔洗讀書既,我本來都以為係咁,當然事實永遠係相反。

話就話自己簡既科目要照社會既趨勢去選擇,但係我簡左自己鐘意既科目,唔想自己對住自己唔鐘意既科目。





開學既頭幾個禮物當然唔太慣,四至五十幾個人一齊上堂,有時仲會更加多,一個教授對住咁多位同學,有唔明既地方都無乜時間問。

唔同堂通常都要去唔同課室上,唔似中學時期固定一個課室。

雖然要教既野都係哂筆記上面,但係重點就要自己歸納出黎,好少會寫到明係筆記上面。

經歷完頭一個星期既上課日,我都識到唔少既朋友,其中一個叫阿兒。

有一日我地放學去左圖書館到溫下書睇下重點係傾下計。





「阿彤阿彤妳咁令女點睇都有男朋友啦。」阿兒用羨慕既眼神望住我

「係就係有既,不停暫時分隔兩地有排都無得見。」我答

「唔係掛,咁戲劇性既,咁妳就仲keep唔keep到段感情架,我聽好多人講異地戀好難維繫到架喎。」阿兒為我而擔心咁講

「我地兩個之間一定無問題既,我地都經歷左好多野,依啲咁少既考驗我地都可以捱到。」我好有自信咁講

「哇,咁妳個男朋友一定係好靚仔又陽光又幽默啦,唔係點配得上妳依位女神。」阿兒講





「咁你就大錯特錯,我男朋友同妳所講完全相反,佢又唔靚仔又比較宅男同好內向最重要係好蠢。」我自己都笑住咁講

「唔係真事呀,咁妳又鐘意佢啲咩呢?以妳既條件一定可以識到另一個更加好既男仔喎。」阿兒追問我

「唔.............我就係鐘意佢咁傻,無咩其他原因啦。」我霋時諗唔到仲有咩答案

「我好有興趣聽下妳地兩個之間既故事喎。」阿兒真係一個充滿好奇心既女仔

「咁我慢慢同你講啦,我都好少同其他人講過。」我好樂意咁同阿兒分享我同阿東之間既事

講左大約差唔多十分鐘,我一邊講阿兒就一邊問,天色都步入左黃昏,我同阿兒都收拾筆記離開圖書館。

「愛情依樣野真係奇妙,有啲人兜兜轉轉都係番埋一齊,有啲人失去左就失去左,想重新開始都無機會。妳同阿東真係好好彩。」阿兒講

「無話好唔好彩既,如果阿東無為到我而改變佢既內心同性格,我諗我地依家都只會係陌生人。」我講





「我都想搵番個好男仔呀,可惜我無咁既福氣。」阿兒一面沮喪咁講

「總會搵到既,人生流流長,唔好咁快灰心住啦,況且妳個樣又唔差,又容易同其他人打開話題。」我安慰阿兒

「聽住先啦,我行依邊呀,妳好似行開另一邊,咁我地聽日見啦。」阿兒講

「好啦,byebye。」我講完就行去另一方向搭車

番到屋企食完晚飯我就打比阿東。

電話響左十秒左右阿東就接聽左

「喂,開左學一個星期過得點呀?慣唔慣呀?識唔識到新朋友?」阿東一口氣問我好多野





「都勉強過得去既,仲未完全習慣到大學生活呀,完全同中學唔同,我識左個充滿好奇心既女仔佢叫阿兒,同佢傾落發覺佢幾好傾,仲同佢講左我地之間既事。」我答

「哇,妳一定講哂我啲缺點比人聽呢,係唔係估中哂先?」阿東有自信咁講

「真係無野瞞到你估中哂,咁我地將你真實果面講比人聽,握人點都係唔好既。」我講

「唉,一定搞到妳啲同學對我有哂壞印象,我番到黎仲點面對妳啲朋友。」阿東講笑

「點會呢,佢地都好期待見到你,講咁耐你果邊又過成點呀?一定難適應過我依邊啦。」我擔心咁講

「係就係難適應,無啦啦變哂要用英文溝通,不過過多排應該就會習慣,唔洗擔心我喎。」阿東講

「係至好呀,有咩唔開心記住要同我講呀,咁唔阻你啦,你應該岩岩放學啦如果無計錯。」我講

「岩呀,番到屋企仲要做埋幾份功課,咁好啦聽日再傾過啦,byebye」阿東講完就收左線





硬係覺得阿東有啲野瞞住我,希望唔會係啲咩壞事啦。