當年我曾經追到一位女神,但我竟然飛左佢。: 後記/感想

hello 大家好啦,我係凍檸茶走檸檬啦。歷時二十日既故終於完左,由一開始一日三篇到中後期變到一日半篇,自己太懶既關係😓,不過都多謝你地肯睇落去。

其實個故仔應該係追番阿彤就完結,但我想繼續寫埋落去做一個比較完整既故事。(但最尾好似都唔係幾完整😂)

本身個故事出黎都係比我high下,點知我見到觀看人數都幾多下先努力啲寫落去,多謝你地鐘意睇啦。

依篇亦都係我第一次出既文,裏面都有好多錯字同唔太順口既句子,多謝你地既忍耐同埋都同我講番錯咩。

你地留言好多我都有睇到有啲仲會覆得好詳盡,你地既意見同感受我都收到架啦!





遲多陣亦都會有故事既後傳,我想比較輕鬆咁寫後傳,所以你地想睇既就要等等啦。(不過應該唔會好耐,大概四,五日左右一篇,我諗會出四至五篇左右,仲會補番少少外篇。)

好多人都講現實中唔會有好似阿彤咁既女仔,等一個咁蠢既男主角都唔改變心意。

我用番我既角度黎講:依種女仔我見過亦都接觸過,通常依種女仔都係比男方飛既一邊,好多時佢地都唔捨得放低個男仔而繼續鐘意落去,而個男仔後悔完追番佢。(唔講咁多啦難哂題!!!)

你可以話篇文太牽強,我可以同你講中學既戀愛就係咁純真無雜念,亦都解釋左點解中學無拍過拖係遺憾。(不過真係無拍過都唔緊要,最緊要你識珍惜中學既時間,唔好用哂黎讀書,因為中學既時間真係過得好快。）

依個亦都係我寫埋故事中段我自己中學生涯既一啲點滴,係就係悶左啲,不過都係我自己既回憶黎,希望你地睇完會更加珍惜中學既光陰。





其實我完全無諗過會有投票先項活動,見到有巴打提出就試下。(因為我驚無咩人投搞到幾尷尬😖😖)好彩都有好多忠實讀者肯投下神聖既一票。

對於投阿靜既讀者我深表歉意。(應承過你地會有雙結局,但可能近期之內完成唔到,對不起!!!!),不過就算阿靜既票數高過阿彤,我諗我都會寫阿彤😂😂。

我諗依篇故真人睇既原因係大家都有啲身同感受,我見好多男讀者都話同自己既情況好似😱😱。希望你地睇完會大膽啲追下你地心目中既女神。(就算過左去既都唔好覺得自己好無用,由依一刻改變自己都唔遲!!!)

女讀者呢我諗唔到有咩同妳地講😂😂,對住自己鐘意既男仔唔好怕羞記住主動啲。有陣時啲男仔就係咁怕羞。(男既唔好再咁遲鈍啦!!!😏)

妳同佢地講少少野佢地個腦都可以空哂,妳地唔好以為佢地份人悶喎,佢地真係怕羞仔,對住依啲男仔妳地反而要主動,開下啲有趣既話題吸引下佢地,當個男仔同你熟左佢地就會變到外向好多,好多野都會同妳地分享。





依篇野變到完全唔似後記啦😚😚。你地有野問既話可以係下面留下言,我會盡力覆下你地同比下意見。雖然我好似無咁既資格.........

依篇故仔係唔係真人真事?我答返你地半真半假囉,有時現實唔會咁完美,總會有遺憾。

夏至東做左好多我無做到既事,挽回左好多既事,到最後完成左我好多我無做到或者唔夠膽做既野。

多謝你地支持左足足二十日多謝咁多位讀者。後傳我應承你地盡快出


多謝你地