當年我曾經追到一位女神,但我竟然飛左佢。: 第五十三節:宴會

過左半個月左右,好快就到左謝師宴既日子,依段空檔期我大部份時間都留左你屋企打機,而有少許時間拎左黎處理去外國既野。
 
謝師宴既時間係黃昏六點半開始,但我尋晚通宵打機打到上晝六點半先訓,所以我下晝四點幾先起身。

起左身之後我好快梳洗完沖左過涼,換好套西裝西褲,打埋條呔,gel埋個頭就出發去會合阿彤。

我約左阿彤係的士站等,我地一齊搭的士出去,廢事唔識路而遲到。

去到的士站係遠處已經着住黑色連身裙既阿彤。





「咁遲架啦,又遲左起身呀?」阿彤邊講邊上的士

「係呀,尋晚打機打夜左所以咪遲左起身。」我亦都上埋車閂埋門

講低目的地之後我地繼續傾下閒計。

今日既阿彤非常之唔同,化左少少淡妝加埋套連身裙,增添左唔少魅力。

「妳今日靚左咁多,差啲認唔到妳。」我同阿彤講





「你地唔差呀,着左套老西斯文左,gel埋頭又型左,我都有啲睇唔慣。」阿彤笑我

「老實講我自己都有啲唔慣......不過難得一次點都要習慣下。」我無奈咁講

「又唔係好差姐,真係幾襯你,不枉我陪你去度身訂做。」阿彤講

「咁不如自拍番張啦,唔知仲有無機會再着住依套西裝架啦!」我拎左部手機出黎

「好呀,記住send番比我喎!」阿彤對住個鏡頭整理下個頭





影完之後我好快就係whatsapp send番比阿彤。

「等今晚完左再將啲相一次過擺上ig先,要黎做個紀念。」阿彤講

「岩呀,一生人一次,點都要做個記錄,唔係大個左實後悔。」我講

成程車我地都係到傾下邊個邊個會着成點同埋會認唔到邊個,笑下傾下就到左目的地。

我地搭lif上到二樓,一出到門轉左就已經見到有老師係到派番畢業刊物,仲有個位可以比同學影相。

老師叫我地兩個企埋去幫我地兩個影左張相,拎埋畢業刊物我地就行入去宴會既場地。

入到去見到好多同學都着到好靚仔靚女,男既大部份都認得,女既有啲化左妝差啲認唔到。

阿彤入到去好快就比其他男仔捉到去影相,而我就行埋一邊,見到自己班啲人就過去坐低。





坐左陣就見到阿靜同阿結拖住手入黎,好多男仔都係到歡呼,而阿彤影完相都坐番係我隔離。

「喂,我地洗唔洗又拖住手重新行過入黎呀?你睇落好羨慕喎。」阿彤問我

「唔洗啦,搞咁大我會尷尬架,同埋我一啲都無羨慕。」我心裏面默默祝福佢地兩個

「係至好喎,啲同學到得都差唔多七七八八,我都坐定定等開始啦。」阿彤講

等多左差唔多十分鐘,司儀就出黎帶動下個氣氛,玩左幾個小遊戲,就輪流出去拎野食。

食完野就有抽獎活動,每班搵代表出黎表演下唱下歌,空檔時間就比同學搵老師或朋友影下相。

我當然搵返自己班啲朋友影下相,老師都有搵幾個。班相亦都有影到,不過貌似就唔係好齊人,所以我先話畢業禮先至係最後一次最齊人既一次。





臨完之前阿彤一直都有人搵佢影相,不概為女神同我比真係忙好多。

走既時候好多同學都有下場,而我同阿彤就兩個一齊番屋企。

「做咩唔跟埋去繼續下場?」我問阿彤

「唔啦,同佢地都玩唔埋,加上唔想你自己咁孤獨咁番屋企。」阿彤囂張咁講

「真係妳可憐我啦喎,咁妳走啦我唔想見到妳。」我講笑

「我諗到去邊啦,橫掂又唔係太夜。」阿彤又拖住我唔知去邊

「原來黎影貼紙相,我都好耐無影過啦。」阿彤帶我去左影貼紙相

「快啲入黎啦,影埋就番屋企啦。」阿彤摧我





影左差唔多十幾張,阿彤分左五張比我。

「袋係銀包啦,我地第唔知幾多張既二人合照呀。」阿彤一路講一路將啲相放入銀包

「係啦係啦,望住張相就好似望到妳咁啦。」我講

影完我地就沖沖忙忙咁趕去火車站返屋企。

第一次着起西裝既一日就咁完左,着到咁靚既阿彤唔知仲有第二次機會可以再見到。

距離我去外國既日子應該得返兩至三個月。