當年我曾經追到一位女神,但我竟然飛左佢。: 第三十四節:入營

我約阿彤係學校天橋底個邊等,去到學校既時候估唔到已經有好多同學。

離集合時間十分鐘之前文老師點名已經三十一位同學黎哂,唯一遲到既係架旅遊巴士。

上到車大家都好似未訓醒咁,有啲同學就訓覺有啲就細細聲傾計。

我同阿彤坐左個兩人位,上左車唔洗五分鐘佢就挨住我膊頭著左,望住阿彤訓覺個樣令我覺得佢好可愛。

搭左差唔多一個鐘既車程我地終於到達目的地,我叫醒阿彤佢先迷迷糊糊咁起身,比阿彤挨足全程搞到個左邊膊頭有啲酸痛。





落到車之後大家都抽住一袋二袋野,女仔拎既野特別多,所以我要幫阿彤抽多袋野......

我地分開兩條隊排跟住文老師入去拎房既鎖匙，五至六個人一間房,當然男女分開。

文老師話去完自己房擺低野就可以自由活動,到左夜晚七點半去食堂食飯,食完就進行第一日既班會活動。

分好哂房整下野已經一點半,

同我同一間房既有阿結,阿蔥,阿河同阿風。





除左阿結之外我都唔係好熟其他三個人,聽阿結講佢地三個平時好鐘意約埋打籃球。

佢地三個入到房好快就擺低啲野換好哂衫,拎左自己帶既籃球出去打波。

房得返我同阿結，

「阿東不如你keep房既鎖匙,我驚自己整唔見。」我未講好唔好阿結就掉左條鎖匙過黎

「唉,真係無你收,我整唔見唔好怪我呀。」我講





「咁我出去搵其他人玩啦,你出去既話記住鎖門。」阿結補充多句就出左去

我汁好埋啲野就出左去搵阿彤玩,臨行前我不忙鎖好對門。

阿彤間房係地下既最前,而我間房係地下最尾,可以話相差都幾遠下。

去到阿彤間房係門口見到佢同其他女同學吹緊水,而當佢啲同學見到我就即刻推左佢出黎。

「不如我地去行下囉。」我同阿彤講

「好呀,不過等我汁好埋啲野先,你係門口等等我。」

佢返左入房之後我聽到佢啲朋友不停係到wow,有個仲話妳就好啦,有得同男朋友去散步囉。

我係門口都聽到笑左出黎,阿彤一定好尷尬啦。





等左五分鐘阿彤就係房出黎,之後我地兩個到周圍行。

沿路上我地見到其他同學係到玩緊營裏面既設施,有人射箭,有人玩繩網,有人打籃球。

阿彤竟然唔知諗到啲咩就拖住我去左租借室,去到之後阿彤就話要兩塊羽毛球拍同兩粒羽毛球。

借完出到去出面阿彤同我講：

「好耐無做過運動啦,突然好想打下羽毛球,我知你實會陪我既。」

「實不相瞞,其實我小三到中一都係校隊黎,我驚妳輸到喊喎。」我串一串阿彤

「未試過又點知我會輸比你呢?」阿彤囂張咁講





打左差唔多一個鐘時間我地兩個都好累,我地坐埋一二邊係到吹水。

「太耐無做運動啦,依家一個鐘都頂唔順,估唔到妳打羽毛球都咁勁喎,我以為你淨係得讀書叻。」我講

「同你不相伯仲呢,我話哂都係出面啲興趣班學過下架。」阿彤講

「妳估今晚我地班會唔會團結啲呢?我地男仔個邊都係自己有自己玩,好少會聚埋一齊。」我問阿彤

「一定會既,我覺得佢地只係唔夠主動同唔識表達自己姐,無問題架放心啦。」阿彤答番我

「希望係咁啦,我諗我要主動啲帶住佢地玩活動啦。」我講

講完我地就去左還返球拍同波，之後繼續周圍行下,累就搵個位坐低睇住人地玩或者傾下心事。

啲風吹埋黎真係好舒服,好快就到左七點半,我同阿彤早左十五分鐘去食堂幫下手。





食完飯之後就正式開始第一晚既班會活動,夜行