當年我曾經追到一位女神,但我竟然飛左佢。: 第三十三節:討論

上到成日堂終於到左放學既時候,其他同學陸陸續續離開課室,而我地五個人就開始相討兩夜既活動。

「你地尋日諗唔諗到咩活動可以訓練團隊合作?」阿結問

「一睇就知你尋日無諗到啦結哥。」我一眼就睇穿左

「尋日多功課呀唔得閒諗。咁你地有咩活動提議?」阿結講完個藉口就問番我地

「不如搵一晚玩夜行,大家都蒙住對眼一個一個搭住膊頭跟住前面既同學行。」我提議





「唔錯喔依個活動, 一黎可以增進大家既感情,二黎又刺激可以考驗下佢地互相信唔信任對方，我好讚成依個活動。」阿靜話

其餘三個人都讚成我依個活動,我見佢地讚成就講：

「咁我地第一晚就決定玩依個活動啦，咁第二晚你地有咩建議?。」

「第二晚不如我地玩大電視囉,我地五個輪流拎住張寫左要估既紙,一個同學坐係到估,另外嗰啲就做動作,簡單又易準備。」阿彤提出大電視依個活動

「好呀,大家一定識玩又可以令到個個同學都投入,就咁話啦,眼罩,紙同筆依啲野我去準備有無問題。」阿婷問





「ok,咁其他人就去諗下有咩題目又易估又搞笑架啦,我依家落去同文老師講聲我地諗好玩咩活動啦。」阿結講完就散會

阿彤因為要補課所以我就自己返屋企先,而行到一半既時候阿靜係後面叫住我。

「喂阿東,今日我都行依邊,一齊呀,順便傾下計。」阿靜講

「好呀,聽講妳最近啲成績進步左喎。」我一時諗唔到有咩話題

「緊係啦,有你兩年既教導,唔係我邊有咁好成績,係呢你估今次個camp會唔會令到大家融洽啲?」阿靜問我





「當然會啦,我諗大家都明白文老師搞依個camp既意義既。」我答

「係就好啦,我都唔想睇到自己班剩係得讀書既風氣,希望依個camp完左會帶黎啲生氣啦」阿靜講

「一定會既,有我地諗既活動一定可以令佢地玩得投入。」我答完阿靜大家就分開番屋企

好快就黎到我地入camp既日子,我尋晚就汁好哂要帶既野,今朝一早起左身食完早餐就出發返學校集合。

希望今次班camp可以順順利利咁進行啦！