當年我曾經追到一位女神,但我竟然飛左佢。: 第三十二節:活動

放學前既班主任節文老師對大家講：

「今個星期五係升中體驗日,我地係唔需要返學,而計埋星期六日,總共有三日假,我為大家報左個三日兩夜既班camp,希望大家唔好淨係掛住讀書,而去珍惜剩得既依兩年。」

「如果大家無咩問題,請舉手表示參加,我想睇下有幾多人會參與其中。」

陳老師講完五秒都無人舉手,我、阿彤同阿結就舉手先,然之後好多同學都跟住我地三人舉起左手。

我周圍望一望究竟有幾多同學舉左手，奇境出現啦,竟然成班都舉哂手，睇哂我地既招募非常之有效。





文老師見左依個情境都非常驚訝：

「估唔到大家會咁踴躍,不過唔洗搶心我已經book左三十個人,係我地成班計埋我既總數,我希望到左個幾日大家暫時忘記學業,可以玩得開心啲。」

「大家可以放學啦,阿彤、阿東、阿結、阿婷、阿靜出一出黎。」文老師叫我地五個人出去

阿婷係同我一樣選修地理既女同學,我記得有次上地理堂因為佢隻眼太細,而被安迪鬧佢訓覺,足足笑左我地成個月。

出到去文老師面前佢就講：





「我覺得你地五個好適合幫手搞camp裏面既活動,每日夜晚定時進行一次,集合哂所有同學一齊玩既活動。」

「係唔係兩日都唔同就得,仲有咩特別要求?」阿結問

「我希望兩日既活動都可以令成班都團結同可以互相了解對方,同埋唔好玩得咁過份就得。」陳老師同我地講

「無問題,交比我地五個啦,我地都想大家團結融洽。」我講

「咁就交比你地五個啦,唔該哂你地。」





陳老師講完就放我地五個走,阿婷建議我地今晚返屋企諗下有咩活動,聽日放學大家一齊討論下，我地其餘四個人都讚成。

放學我又同阿彤一齊返屋企,佢同我講:

「真係好啦,竟然成班都肯參加班camp,我幾驚得我,你,阿結同阿靜舉手。」

「係呀,至少班上面啲同學都願意參加,可以比機會大家互相認識。」我講

「咁我地要快啲諗下有咩活動岩啦。」

講到依到我地就要分別,行番屋企既同時諗,究竟有咩活動岩呢?

臨訓前我已經諗好左,等聽日放學再同佢地四個相討下。