中左六合彩頭獎四千八百萬，依家唔知點算?: 94 釋懷
「…做…做完檢查拿？」詠恩細細聲問。
「…嗯！」我點一點頭。
「…點…點呀？」詠思有啲緊張咁問。
「…er…都係抽血果啲野，同埋要同我做個親子鑒定，因為要係親屬先可以進行活體器官移植。」我諗一諗之後講。
「……！」詠恩面色一沉。
「…跟…跟我出離吖。」過左半分鐘之後，詠恩有啲緊張咁叫我跟佢出去。
「…去邊呀你哋？」喺𨋢口嘅小苑問。
「…阿妹你幫我睇住浠琳先啦，我哋轉頭返離。」詠恩講，之後就同我搭𨋢落左樓下啦。
因為已經係凌晨時分，所以四周圍都冇乜人。詠恩帶住我行左埋一邊比較近山邊嘅地方，搵左個又暗又冇人嘅位停左落離。
「……！」詠恩醞釀緊情緒。
「…做咩呀傻妹！」我好溫柔咁打開話題。
「…嗚～～！」詠恩又喊啦…！
「…你…你唔好對我咁好啦！」詠恩喊住講。
「…我…我唔值得你對我咁好架！」詠恩欲言又止，睇離佢知道浠琳同我嘅關係就離會穿，所以想從實招徠。
「…點會呢…，你同浠琳都係我最緊要嘅人，點會唔值得呢！」我講。
「…嗚～～對…對唔住呀！」詠恩有啲激動，好似開始暴走啦。
「…我…我唔知…浠琳…到底係咪我地個女…，我….做左啲對唔住你嘅…事…！」詠恩終於講出埋藏喺佢內心深處咁多年嘅心結。
「…唔洗講啦。」我忽然雙手攬住左詠恩，搞到詠恩成個人呆左咁望住左我。
「…無論你之前發生過乜野事做過啲乜野…，浠琳係咪我個女都好，我都會一樣咁愛你地。我地由失散…隔咗咁多年…重遇…一齊經歷左咁多野，喺泳池再相遇…再到公司，我地一齊孭鑊…一齊攞獎…，個天既然比多次機會我地…我哋就應該好好珍惜，從此以後…無論順境或者逆境，富有或貧窮，健康或疾病，我都永遠愛你、珍惜你直到地老天長…詠恩…可唔可以嫁比我呀？」我攬住詠恩講出一堆喺我心入面同樣積存多年嘅說話…之後順勢喺褸袋攞出一早準備喺演唱會送比詠恩嘅戒指出離。
「……！」詠恩對眼比起頭先更紅，望住左我…淚水喺眼框入面琅琅下，唔知係感動定係乜野呢？
「…隔…隔左咁多年…你…仲愛我？」詠恩再問。
「…無論以前…今日…或者…將來，我都一樣咁愛我，呢份愛係唔會隨時間而變，詠恩…你放心嫁比我啦。」我好認真咁再一次講出得嘅心聲。
「…嗯！」過左十幾秒之後，詠恩露出幸福嘅笑容，點一點頭，之後我就順勢咀左埋去同佢轟轟烈烈咁打左個超級茄輪。
https://youtu.be/WrecXBBC6eY
別來無恙 張敬聰
凌晨和長夜天空 也一樣 這裡和南極的星星 都會發光
從前前日到今天 也不變樣 任何事或物 從沒改這狀況
* 我會永遠欣賞你 任何模樣 我會永遠喜歡你
符合心中的理想與眼光
# 為你 我在哪樣情況 營造出美麗印象
無論哪次我與你再相見 別來無恙
沒有 半路感受迷惘 從來心態都一樣
無論世事怎樣變 路會是近或遠
朝著你所在那一方 是我方向
Repeat *,#,#
「…呼….！」呢個茄輪足足打左成分鐘，到差唔多斷氣我哋先捨得放開大家。
「…應承我…以後無論發生咩事都好，你都要話比我知，唔准成日諗住自己解決，你唔再孤單…我哋要一齊共同面對！」我一路講一路將隻戒子幫詠恩戴上，希望我地終於可以大團圓啦。
我同詠恩十指緊扣咁行返入病房，現在已經係夜深，病房已經熄哂燈…，我拍一拍已經撲低訓著左嘅小苑。
「…返離拿你地！」小苑醒咗…之後望一望我同詠恩講。
「…辛苦晒啦，返去訓啦，呢度有我地得啦。」我拎一拎起我同詠恩拖住嘅手比小苑睇。
「…唔緊要啦，反正我聽日off ，唔阻你哋啦，我出出面坐。」小苑望一望我地，之後就行左出門口啦。
依家得返我哋一家三口喺度，浠琳訓得好林，訓著果個樣真係好可愛…，詠恩一邊拖住浠琳另一邊拖住我，我哋三個人彷彿就好似心連心咁，因為大家都真係太攰啦，慢慢就一齊撲左喺床邊訓著左啦。
「…大佬！」唔知幾耐之後。
「…大佬…！」我比人拍醒，望一望原來阿妹離左，再望清楚啲，所有人都企哂喺度，包括世伯、伯母、小苑、我阿爸、阿媽同阿妹都離齊哂，搞到我都嚇左一嚇。
「…咁…咁多人嘅？」我回一回神問。
「…我哋擔心你吖嘛！」阿妹眼濕濕咁講。
「…依家幾點呀？」我問。
「…朝早七點幾。」阿妹回應。
「…醫生呢？有冇離過呀？」我再問。
「…我唔知呀，我地啱啱離到咋！」阿妹講。
「…頭先離過架啦，佢叫我地叫醒你話一陣返過離同你講解手術啲野。」小苑喺隔離回應。
「…呢個就係我個孫女浠琳牙？」阿媽忽然問，搞到世伯、伯母果啲即時報以奇怪嘅眼神。
「…阿爸阿媽….世伯…伯母！」呢個時候詠恩都醒左，有啲錯愕咁講。
「…人齊啦呵！」同一時間…一個男醫生同女護士行左埋離。
「…邊位係張敬聰呀？」醫生問。
「…我係。」我答。
「…ok ，麻煩出示身分證先。」醫生再問，於是我就攞左出離交左比護士啦。
「…拿！首先呢同你講解吓一陣個手術，「活體肝臟移植手術」…..！」醫生講解緊一啲官腔介紹。
「… 捐贈者應該清楚明白以下各點:1. 手術會帶離痛苦同危險甚至死亡，2. 捐贈後，接受者手術未必成功，3. 捐贈決定完全出於個人願望，與家庭或醫務人員嘅外來壓力無關，4. 任何器官捐贈都唔會有任何金錢報酬，5. 捐贈者有權喺任何時候，無需任何理由，撤銷捐贈決定。請問你明唔明白！」醫生講緊免責條款。
「…明…明白。」我回應，之後喺護士手上簽左份免責聲明。
「…ok，因為香港法例，捐贈者一定要係接受者嘅親屬！咁呢度有份「親子鑒定報告」係琴晚同張生做嘅，咁就證明左你同接受者張浠琳，你地有血緣關係架啦，所以呢part都冇問題啦。」醫生將份報告交左比我，詠恩見到份報告之後個樣非常激動，好感恩咁攬住左我。
依家全場人都靜哂，世伯、伯母一臉疑惑，而阿爸阿媽就相當高興，小苑同阿妹亦有小小感動眼濕濕咁。醫生講解完話十分鐘之後就會安排我去做手術喎，叫我好好地同屋企人傾下之後就行開左啦。
「…乜野呀？點解醫生會話阿聰係浠琳爸爸嘅？」醫生行開左之後，伯母好疑惑咁問。
「…er…伯母！」點講好呢…！
「…等我講吖…我唔會再逃避架啦！」詠恩拉住我，好堅定咁對住我講。
「…嗯！」我點一點頭回應。
「…阿爸阿媽…對唔住！呃咗你哋咁多年。無錯…阿聰係浠琳爸爸…，我地好耐之前曾經一齊過，之後因為一啲原因…我哋分開左…，之後我先知有左浠琳….！」詠恩終於肯正面回應，睇嚟佢今次真係好堅定。
「…原…原來係咁！」伯母聽完之後好似所有嘢都諗通晒咁，鬆左一口氣。
「…你地有冇…嬲我呀？」詠恩有啲驚咁問佢阿媽。
「…傻女…都咁多年啦，依家知道咪得囉！」伯母望一望世伯之後回應，兩人都報以微笑，睇得出佢哋都釋懷。
「…多謝媽咪阿爸…！」詠恩開心回應。
「…唔洗多謝…咁…你地…有咩打算呀？」伯母望一望我哋再笑笑口問。
「…哦…伯母…我同詠恩求左婚架啦，我應承你哋…做完手術之後，我一定會風風光光咁娶詠恩做我老婆，我會比最幸福嘅生活詠恩同浠琳架，唔知世伯、伯母你地…批唔批准呢…？」我講完之後好疑惑咁問，之後世伯伯母互望左一眼之後。
「…咁仲叫世伯、伯母…！」世伯笑笑口咁同我講，即係表示接受我啦！
「…係…係…多謝世伯！」
「…嘻嘻…唔係…多謝外父、外母！！！」我開心到係咁傻笑，詠恩亦都係一樣…開心到即刻攬住左我，氣氛相當融洽，阿爸阿媽仲無啦啦同外父外母握手，搞到好似真係結咗婚咁…嘻嘻！
「…好啦！夠鐘做手術啦！」歡樂嘅時光過得特別快，忽然有個護士走咗入嚟，着晒手術袍，睇嚟真係要開波啦。
「……！」大家都靜左落離，詠恩望住我又緊張又擔心咁，個樣相當忐忑。
「…放心啦…好快做完架啦，到時我地一家三口可以周圍去玩去旅行…哈哈…諗起就開心啦！」我搭住詠恩膊頭講。
「…大佬加油呀！」阿妹同我打氣。
「…姐夫…加油！」小苑講埋一份。
就係咁，我跟住護士開始離開病房啦。一邊行一邊回頭望，見到詠恩成個望夫石咁嘅樣，搞到我都真係唔捨得，希望快啲做完手術可以再見到詠恩。