中左六合彩頭獎四千八百萬，依家唔知點算?: 79
「….吱吱～～吱吱！」係雀仔叫嘅聲音。
溫暖嘅陽光照耀住我，令我開始清醒過離。
「咦！」呢度係邊度呀？我依家訓左喺一間好似酒店房嘅地方，張床好大好舒服，可能開左暖氣，房內相當溫暖，我到底…係咪發緊夢呀？
咪住先…點解有個人訓左喺我隔離架？
係一個長頭髮嘅人應該係女仔，依家背對住我訓左喺我隔離。
死啦，到底發生咩事呀？我明明被困森林架嘛，無啦啦點解會搞壇咁嘅野架！吖！一定係我仲發緊夢，合埋對眼再訓過…應該就會醒架啦。
雖然我係咁諗，但係說時遲 那時快，喺我以為合埋眼就冇事嘅時候，我感覺到果個女仔忽然轉身攬左埋離，胸口緊貼住我手臂，我感覺到佢嘅心跳、呼吸同埋體溫，加上佢身上散發嘅香氣，拎我心入面忽然之間出現左好多遐想，身體不由自主咁開始有左生理放應喎。
我開始意識到睇離我唔係發緊夢，無理由生理反應都咁真實架？感覺越嚟越大，個女仔隻手又慢慢咁喺我身上面無意識咁遊走，無意間將隻手放左喺我小弟上面。
佢隻手…開頭仲係無意識咁放左喺度，但慢慢…佢都開始有小小感覺，隻手輕撫左我小弟幾吓，我亦都不由自主咁作出左更加大嘅生理反應，個女仔好似有啲驚訝咁，忽然縮開左隻手，個人亦都縮開左小小…就喺我仲猶豫緊應該繼續扮訓定起身嘅時候…個女仔終於都開口講野啦。
「…聰！你…係咪醒咗啦？」咦？乜把聲咁熟嘅？
「…聰！」個女仔再拍一拍我，今次我忍唔住打開左雙眼…眼前嘅女仔….竟然係！
係詠恩…詠恩佢竟然會忽然出現喺我面前，而且仲著住性感睡衣，好溫柔咁望住左我！
「…ng！」喺詠恩叫，因為我已經忍受唔到當前嘅夢幻景象，二話不說咁就攬住左詠恩咀左落去，打左一個幾長嘅車輪。因為我自己都確認唔到自己係咪發緊夢嘅關係，打緊車輪嘅同時，我對詠恩作出再進一步嘅行動，我開始撫摸詠恩嘅胸部，佢個人震左一震但好快已經好配合咁除低左果件性感睡衣，咁嘅情況…一個正常嘅男人又點可能停到落離吖，我一手放喺詠恩嘅胸上，另一隻手已經伸左入佢底褲入面啦，我不斷愛撫，詠恩下面開始濕潤起上離，而且乳頭亦都變得好硬，仲開始發出微弱嘅呻吟聲，身體不停顫抖…再講落去就講得太深入啦，終於…我進入左….翻雲覆雨嘅境界…，感覺真係超一流，可能我都真係太耐冇做過啦，對上一次已經係同緊思敏一齊果時，所以我…射左好多，完事之後我哋兩個繼續攬住左，過左幾分鐘後我又開返眼望住詠恩。
佢竟然同樣望住我，而且表情仲相當之滿足咁款，就好似一個餓左好耐嘅痴女啱啱比我餵飽左咁嘅表情，咪住先…我記得啦….之前喺山度，好似係詠恩不停叫我…！
「…我…我係咪發緊夢呀？」我細細聲對住詠恩講。
「…！」詠恩搖一搖頭。
「…咁…點解…你…會喺度嘅，同埋點解我又會喺度？」我有啲疑惑咁開始問起問題。
「…乜…乜你…原來唔記得架？」詠恩尷尬回應。
「…嗯！」今次到我搖頭，依家我真係一頭霧水啦。
「…你喺山上面暈底左呀。」詠恩回應。
「…呢度我記得…咁之後呢？」我再問。
「…之後搜救隊咪將你送左離依度囉！」詠恩回應，之後我再望一望四周，依家望真啲呢度應該係雪山上面嘅酒店，原來我比人救左返離。
「…咪住先…咁點解…你又會喺度嘅？」我再問詠恩，因為詠恩嘅出現都係唔係幾合邏輯。
「…仲好講，你知唔知我好擔心你架，好彩你個電話之前裝左個同朋友有定位功能嘅app，我先可以帶人離搵到你咋。」詠恩有小小嬲咁回應。
「…吓！電話？」我講。
「…拿！」詠恩將我個電話遞左比我，原來佢跟住gps執到我個電話，之後喺電話附近搵返我。
「…你…即刻…過離搵我？」望完個電話一輪之後，我有啲疑惑咁望住詠恩講。
「…咁…咁忽然聽到你大叫…之後你個電話又冇哂反應吖嘛…我當時唔知點算，即刻問人…之後就搭高鐵再轉車離到呢到啦。」詠恩回應，原來詠恩仲係咁緊張我同關心我…好感動呀！
「…詠恩！」我含情脈脈咁對住詠恩講。
「…咩…咩呀？」詠恩有啲害羞。
「…多謝你呀！」我感動道謝，然後又攬返住詠恩。
大家可能冇留意到，其實我地講左咁耐野一直都係冇著衫，所以依家我又開始有生理反應啦，鬼咩都係果句啦，咁耐冇做過，依家真係要幾多有幾多啦，於是我哋就再一次翻雲覆雨啦。
完事之後我哋一齊沖涼，我諗我…終於都可以叫做同詠恩再續前緣啦。梳洗完之後，我哋換衫去左附近四周圍遊覽，兩個人…手拖手…重拾當年拍拖嘅感覺。詠恩好開心…拖得我好實，因為我之前應承過詠恩會帶佢去食羊肉湯，所以我就帶左詠恩返去我琴日食野果間舖頭度食午飯。
我哋點左一鍋羊肉湯，個湯係麻辣嘅，成碗都係紅色，我同詠恩都係食得辣嘅人，加上依度天寒地凍，羊肉同麻辣都可以幫我哋保保暖。聽講武隆依度嘅羊肉非常出名，羊肉好鲜嫩，切成片狀嘅羊肉、羊肚、羊肝等…喺個煲度滾離滾去，香味瀰漫住四周，湯底有住藥材味嘅香濃，睇見已經流晒口水啦，咦…點解講講吓好似變左飲食節目咁嘅…嘻嘻…唔講咁多啦，食野先啦。
依餐真係食得好飽好滿足，可能因為琴日餓左成日嘅關係啦，連啲湯我都飲埋，食完之後我哋就漫無目的咁喺附近行吓欣賞下周圍咁美麗嘅雪景。
「…係喎！你唔洗返工咩？」行緊果陣我問詠恩。
「臨走前我同東哥請左兩日假！」詠恩回應。
「…哦！東哥冇問啲咩吖嘛？」死啦，詠恩會唔會講左比東哥知我出事架？一陣嚇親我老豆老母就唔好啦。
「…冇喎，我話我屋企有啲急事要上一上大陸，佢見我個樣咁緊張咁都冇咩點問我，淨係叫我小心啲咋！」詠恩回應，好彩冇走漏風聲姐！
「…不過我同左ivy講喎！」詠恩忽然諗起。
「…吓！唔係掛！」我緊張大叫。
「…嚇死我老母架！」我再講。
「…嘻嘻…唔洗擔心啦，琴晚我同左ivy報平安架啦。」詠恩笑笑口講，唔擔心就假啦，返到去都唔知會唔會比阿媽鬧爆我。
行左一陣，可能詠恩未見過雪覺得好奇啦，忽然行左埋啲雪堆都玩雪喎。我見佢玩得咁開心，於是我又走埋去佢隔離玩埋一份。我堆呀堆…，其實都會唔識堆啲乜野特別野架啦，堆左一陣堆左個雪人出離。
「…哈哈…好似你呀！」詠恩大笑，原來佢都係堆左個雪人出離，仲話個雪人好似我添。
「…咦～前面啲小火車好靚呀！過去睇吓囉！」詠恩見到前面遠處嘅小火車，忽然好雀躍咁拖住我行左埋去，咁所以呢…我地就上咗果一架小火車啦。
依部小火車係觀光用嘅，黑底紅邊車身，係一啲歐式風格嘅舊式火車造型，唔計火車頭都係得兩小卡，雖然話係火車不過其實只係造型，眼見都冇任何路軌，所以應該都係入油嘅，不過都冇咩所謂啦，喺咁靚嘅雪景底吓，坐住部小火車，就好似置身北海道雪山一樣。
「…嘩！好靚呀！嘻嘻…聰…你睇吓，前面有個大馬場呀！」開車無耐詠恩就已經好興奮咁四圍望啦，就好似變咗另一個人咁，搞到我真係摸不著頭腦咁望住佢。
「…做乜望住我發哂呆喎，睇吓啲雪景啦！」詠恩講，唔知點解呢，雖然我好想問詠恩點解會有咁大嘅轉變，但係喺依一刻，我只係想同詠恩佢共同享受咁美好嘅時刻。
https://youtu.be/t5KkfZKc_pE
張敬聰 完美啟示錄
白雪面對面飛 逐片逐片在嬉戲 當我挨近你 怎相信這是你
在最寒冷壞天氣 才會讓雪人砌起 這個很像你 這一個都像你
難道我已耗盡所有運氣 換這最後的美麗假期
就算任我自己 伴侶換到下世紀 這秒的完美 終生也不忘記
留在這個攝氏經緯度數 你我也許不需要晨曦 (你我縱使失憶也想起)
今天開始哪裡都不去 我要看著雪地鋪出了青苔
能在這裡有著這個伴侶 遺忘時代也別悔改
今天開始哪個都不愛 我要抱著你在北海看將來
寧願看破地老天荒再離開 (抱你抱到通訊社轉載
兩極變成赤道仍沒法分開)
只要可抱緊你春季不要來 只要這個冬季尚存在
只有一秒擁抱請你跑過來 就陪著我別避開 正是愛
遊覽完一輪之後，我就叫左車送詠恩去高鐵站準備搭高鐵返香港啦。
「…早啲返去啦，你聽日仲要返工架。」我拖住詠恩對手講，因為上高鐵前詠恩仲係好依依不捨咁。
「…唔捨得你呀…你幾時返離呀？」詠恩溫柔回應。
「…傻妹！好快架啦，應該過多三四個禮拜左右就埋尾架啦。」我亦好溫柔咁回應，直頭有啲骨痹添，成三十歲人仲講啲咁嘅野，不過依家嘅情景又覺得冇咩野問題喎，可能唔喺香港啦，個人都大膽啲。
「…快啲返離呀！自己一個喺度…記住小心啲！」詠恩再講，感覺直頭變咗我老婆一樣，原來有人關心係咁幸福架！
「…知啦！你都係呀，返工唔好再咁大懵啦！」我回應。
「…嗯！記住…記住，千祈唔好再去滑雪啦，再滑我唔放過你架！」詠恩點一點頭，之後再三提醒我。
送左詠恩上高鐵之後，我都要開始起行返重慶市區啦。唔知點解呢，依家嘅心情真係好興奮，但係又硬係覺得怪怪地咁，好似淨啲咩野咁，可能係我諗多左啦。返到去公寓都已經係夜晚啦，依兩日假期就咁就完結左，時間運用得啱啱好。求其食啲野之後，我就要早啲訓覺，迎接聽日開始嘅魔鬼Schedule啦。
就係咁…之後嘅幾個星期同我預料嘅一樣，每日嘅拍攝工作都係密集到離哂謙，日以繼夜夜以繼日，因為要同時遷就啲大明星嘅補拍時間，根本上好多時都要喺片場度長期準備，就連訓覺都要喺片場度訓，成隊人齊上齊落，通力合作左咁耐，幾經辛苦終於…終於都大功告成啦！
今日…係我喺重慶嘅最後一日，我執好哂行李之後，就帶住解放嘅心情慢慢步出我住嘅公寓，準備返香港啦。我雖然係一個比較懶嘅人，但係都記得阿妹話要麻辣火鍋做手信，所以我二話不說，哈哈…唔理邊一個牌子，求其喺街邊見到有啲乜就買乜，不過其實依度真係是但一隻麻辣火鍋都非常之有水準，所以求其買都真係冇得輸。
掃完一輪手信，打點好一切之後，我就坐高鐵返香港啦。喺車上面百無聊賴，我就睇吓手機上社交媒體，睇吓先…原來不知不覺間我嘅專頁多左唔少人follow，鬼咩…思敏每次有新片出都會喺我個專業分享，而且我喺重慶拍戲期間…間中都會發報一啲製作花絮，加上joey姐早排仲喺佢自己個專頁度因為宣傳佢個演唱會所以唱過一段仔我首出道歌，引起好多fans嘅關注，咁所以呢…真係要多謝佢哋嘅幫忙。係喎…唔記得講添，joey姐早幾日搵過我，仲已經傾好咗邊日去佢個演唱會做特別嘉賓，就連當日嘅時間表都已經send埋比我，睇離我真係要返去好好練返吓歌先得啦。