中左六合彩頭獎四千八百萬，依家唔知點算?: 49
同阿妹吹完水之後，我就返左入房沖涼、梳洗啦。
搞掂哂野返出離呢，第一時間緊係打電話比老大問吓最新情況啦。
「...嘟嘟～嘟嘟！」
「...喂！」咦？又係阿嫂聽嘅，唔會仲未出camp掛？唔係吖...
老大講過就算未出camp都唔洗好似啲學警咁要留宿架，應該唔關事嘅。
「...喂...阿嫂牙，滔哥呢？」我問。
「...佢沖緊涼喎，er...你等陣啦聰，佢啱啱行左出離！」阿嫂回應。
「...哦！」
「...搵你架滔，阿聰呀！」電話傳離阿嫂嘅叫聲，緊接就係老大嘅聲音啦。
「...喂...謝霆聰？」老大接聽。
「...係呀老大。」我回應。
「...啱啦，我正想搵你！」老大講。
「...吓...搵我？」我有啲疑惑，因為平時都係我緊張，
但係今次竟然係老大想搵我，唔會係浠琳佢...唔係我個女掛？
「...拿...你冷靜啲先！」老大忽然變得認真起離，唔會真係比我估中掛，
死啦...我忽然唔想聽呀，點算呀！！！
「...你份報告呢，er....！」老大欲言又止咁，搞到我更加緊張，
離啦...我有哂心理準備接受依個事實架啦。
「...er...份（親子鑑定）報告，......」
「...唔見左！」
「...吓！唔見左？」我好驚訝咁問。
「...係咁嘅，事緣呢...喺我入camp期間，我守果間差館就搞緊裝修，
咁我啲同事都有打過比我嘅，咁我就叫佢地將我locker 啲野放返落我個位度，
但係我早兩日返到去呢就乜都有，就係唔知點解搵離搵去都搵唔返份報告姐，
所以就...er...真係唔好意思呀..謝霆聰！」老大好唔好意思咁講。
「...咁....！」我o左咀，完全比唔到反應老大。
「...而家可以做嘅呢，就係send返個e-mail去美國果間總公司度，
睇吓人地仲有冇soft copy，我琴日已經send左架啦，而家唯有等佢覆。」老大講。
「......！」而我就仲未接受到咁，繼續deadair 。
「...不過你要有定心理準備先，人地真係未必會留copy，
就算有...人地又未必會比你，又或者要再收行政費。」老大繼續講解，
講真收錢真係冇問題呀，最怕人地真係冇留copy咋，
到時要再知浠琳身世就難些加難啦。
就係咁...而家就係唯有等個天決定。唉....依家做戲咩，
點解成日都有啲咁戲劇性嘅野發生喺我身上架，
真係要學陳豪講返句：「好地地唔得架！」。
收左線之後，我死死地氣咁去訓覺，
第二日又要再返工接受新嘅挑戰啦。
咦？依度咪係.....
「...卟～」一啲撞擊聲。
「...喂...仆街仔，到你啦...篤緊波鐘架，快x啲啦！」咦...係我老死阿民，把口出名臭。
「...輸唔切咩，紅波入尾袋！」我回應，唔記得左我地喺上環（147）篤緊波，
望一望牆上嘅掛鐘，而家應該係凌晨嘅十二點半。
「...喂...阿嫂！」阿民叫，我回頭一望，原來詠恩上左離，
仲幫我喺附近買左個宵夜飯盒。
「...拿！」詠恩將個飯盒遞左比我！
「...篤緊呀，放埋一邊先啦。」我回應。
「...咩飯離架？」我再問。
「...咪樓下果檔十八蚊（餐蛋雞翼飯）囉！」詠恩回應，
之後佢就坐左埋一邊，而我就繼續同阿民篤波。本來都相安無事嘅，
但係當篤到最後兩隻粉紅波同黑波果陣....我得到一個機會....
「.......！」我好集中精神，全神貫注咁處理緊依一q，
由於暫時我係落後緊八度嘅關係，只要入到依隻粉紅波，
我就有機會反敗為勝啦。雖然有機會，但係依家隻黑波咁啱痴住左喺隻白波後面，
情況變得相當尷尬，可能唔識篤波嘅人唔係好明我講乜啦，簡單啲講，
就係我打白波嘅同時好大機會會郁到果隻唔可以郁嘅黑波，所以真係打又死唔打又死。
「...卟～」就喺千鈞一髮嘅時候，我將隻白波打左出去，粉紅波應聲入袋，但係....
「...哦...郁到個黑波！」阿民突然向我指控，雖然我都意識到我衫袖的確係掂到個黑波，但你絕對係冇郁過囉！
「...都冇郁到！！！」我回應。
「...咪扮野啦，明明有郁，你問你條女啦。」阿民一口咬定，
仲將個波交左俾詠欣，而家我地兩個都望向詠恩，等候詠恩嘅回應，
作為男友嘅我，當然覺得詠恩會撐我啦，但係結果竟然係事與願違。
「...好似真係掂到喎！」詠恩回應。
「...聽到啦，你條女都話你呀！」阿民得勢不饒人。
「...你知唔知掂到同郁到嘅分別呀，唔知咪亂講啦！！」我有啲激動咁質問詠恩。
「...做...做乜咁惡姐，掂到就郁到架啦！」詠恩有啲愕然，
可能冇諗過我會咁大反應啦，之後亦都有啲嬲咁回應。
「...咪係囉，掂到就郁到架啦！」頂佢個肺，
仆街民喺依個時候加多把口，擺到明扇風點火。
「...嘈咩姐！」我好嬲咁話左句阿民。
「...聰哥唔係嬲吖嘛，咁小氣架！」阿民笑笑口，
但係又好有骨咁講，聽完令人更加火滾。
「...咪係囉，成個女人咁！」可以詠恩都好嬲，
再加多把口令到我火勢更加猛烈。
「...費是同你地講！」我好激動咁回應，詠恩嘅依句說話，
簡直就係一個超強嘅引爆器，大佬比自己條女夾埋個friend串喎，
簡直就同核爆冇分別，我即刻喺銀包入面攞左一舊水出離，
一手揼左落張波枱度，然後頭也不回咁走左，眼尾都冇望過佢地一眼！
https://youtu.be/2saURdFup-M
謝霆鋒 鷹
她的心鐵石那樣無情 即使可惜我始終不吃驚
一顆心鑽石那樣澄明 不必等她說得出口已經
以一個閒盪的心情 縮手 出門 方向未明
抱緊我遊盪的宿命 現在分手可再起程
續集未決定
＊仍然想起她眼睛 仍然跨出這國境
無涯世界這樣闊 還有願望未看清
仍然想睜開眼睛 留神吉川的美景
誰人要埋怨 沒法預計熱戀的壽命
(還能夠微笑 誰人要和我再乾兩杯贈慶)
喜歡她發夢那樣神情 不喜歡她帶憂傷的笑聲
喜歡她正在放任年齡 不喜歡需要當她的棄嬰
我不要如什麼幽靈 苦苦癡纏 不算盡情
我不愛無謂的安定 現在分手不過表情
異樣地鎮定
Repeat ＊
這麼多人貧病照樣過
這麼多人捱餓最慘不過
如愛人不陪我 還能開懷我精彩
「～咇咇咇咇～咇咇咇咇～」電話鈴聲響起，原來又係編劇低級發夢劇情。
我雖然醒左，但係無起到身，因為我好想訓返，唔知大家有冇試過發左一個好正嘅夢，
醒左之後再訓返可以續返之前個夢呢?我就有依個咁嘅經驗啦，所以我繼續攤喺張床度，
希望可以即時發返同一個夢，希望可以返轉頭，走返去波樓度同詠恩講對唔住。
但係我越想訓，個人就越清醒，到最後都係冇辦法訓返著，訓喺床上面嘅我，
亦不禁灑下男兒淚，個心好痛...個夢真係好真實，我感覺到當時詠恩嘅無奈同憂傷。
不過世界唔會因為你一個人而停低嘅，冷靜過後...我又要面對現實，起身洗面刷牙，
準時咁返工。今日嘅通告係10:00，地點又係我最唔鍾意去嘅將軍澳總公司。
一如以往...我都係會早半個鐘到達，將部車泊好喺公司停車場之後，
我就照舊坐左喺公司餐廳度等我經理人Ella，途中都有唔小藝人出出入入，
個個都好似好忙咁，係得我一個可以咁空閒咁喺度飲奶茶。
坐左十零分鐘左右，經理人Ella準時出現，其實諗諗下佢唔出現都得啦，
之前啲野都係就咁交代一下，吖...點解今日又無啦啦要出現呢？