中左六合彩頭獎四千八百萬，依家唔知點算?: 50
「...喂...聰，到左拿！」Ella邊坐邊講。
「...咩環境呀今日？」我廢話小說，單刀直入。
「...冇咩特別嘅，不過呢...」拿...都話Ella 有啲野架啦，講到口都窒埋咁，仲話冇野！
「...講啦...第一日識你咩，知你有啲野架啦，無啦啦出離！」我問。
「...講到我咁架，...好啦...咁我單刀直入啦，
你都知你之前唱主題曲果套劇中途腰斬左架啦！」Ella 終於都入正題啦。
「...知...！」我回應。
「...咁你又知唔知你喺處境喜劇入面客串果個角色（勤力德）好受歡迎吖？」Ella 繼續問。
「...都聽過吓嘅！」我諗一諗之後回應。
「...就係咁啦，高層覺得你（勤力德）依個角色應該做落去，咁所以呢...音樂方面嘅工作，
我諗暫時要暫停一排先，編劇已經為你依個角色寫左唔小戲份，之後落離你嘅角色就唔係客串，
而係正式成為依個劇嘅一份子！！」Ella 好認真咁講，睇佢個樣唔多似講笑喎！
「...講笑咋你？」我有啲驚訝。
「...真架，依啲係公司政策，我都係聽指示做野姐！」Ella 有啲無奈，喺度跳哂卸賤操，講到咩都唔關佢事咁。
「...大佬...我係歌手離架，我唔係演員喎！點可能叫我唔做音樂住架？」我亦都一樣，好無奈咁回應Ella 。
「...暫時嘅姐...可能咁樣會吸引到平時冇留意開你嘅人留意你嘅音樂呢，
話唔埋架...可能過一排又會有新嘅主題曲比你唱呢，阿聰你咪做住先囉！」就係咁....Ella 霸王硬上弓，
我又可以點呢？唔通我佔領總公司辦公室爭取無理改變工作性質啦喎，
到最後...咪又係要死死氣咁走落廠同導演報到。
講真其實我同劇組嘅人真係冇乜野，丹爺佢地亦都對我好好，我地相處得好融合，
之但係...我始終都真係對拍劇零興趣，所以就算佢地可以留得住我個人，
都留唔住我個心，搞左一大輪，好唔願意咁...我終於都拍完今日嘅戲份。
收工之後，我見時間尚早，就諗住開車出去跑馬地接阿瑜收工，順便同佢食返個晚飯。
其實諗落...我對上一次見阿瑜好似已經係兩個星期之前啦，果次好似又係收早，
所以可以接到佢收工，之後依兩個星期...差唔多連電話我地都冇傾多個，
次次唔係佢訓左，就係同緊啲同事食飯唔得閒咁，所以你見我都提小左佢，
今日希望可以比個意外驚喜佢啦。其實計落佢先係我女朋友，
我成日走去諗住詠恩係咪我有問題呢？點都好啦...希望今晚阿瑜佢冇約到同事食飯啦。
好快我就已經將部車揸到去體育路嘅馬會總部門口，我將部車挨左小小上行人路停低，
睇吓先...阿瑜平時應該係收6點，而家5點50分！我坐喺部車度開住個收音機，
一邊聽歌一邊等阿瑜佢行出離，開頭都不以為意嘅，但係等吓又五分鐘，
等吓又五分鐘，唔經唔覺...原來已經成六點半架拿？本來仲係黃昏，
轉眼間已經日落...天色仲開始昏暗添，到底阿瑜幾時先出離架？
雖然係好焦急，但係唔知點解，等阿瑜我真係好有耐性，
試過有一次我足足喺佢公司門口等左佢差唔多兩個鐘，
到最後先搵到佢原來一早已經走左去同啲同事食飯，雖然會好炆，
但係我點都唔會嬲佢，可能我...鍾意佢多過佢鍾意我掛。
講左咁耐...咪又係繼續要等，不過唔知今日好彩定咩野呢，等到差唔多六點九，
終於見到阿瑜嘅身影啦。 離遠就見到阿瑜，著住普通OL look，單手拎住個名牌手袋，
慢慢咁喺大門步出，好野呀...唔洗等一個鐘已經等到，於是我即時落車準備行埋去阿瑜度，
但係當我好開心一步一步咁行緊埋去果陣...忽然.....
「....呠呠～～！」背後忽然傳離響咹聲，阿瑜比響聲吸引望左過離，
而我亦都自然反應擰轉頭向後望，原來係一部灰色法拉利458 Italia超跑。
「...喂！先生...你部車阻住左我呀！」司機較低車窗望住我講，
原來係一個著住老西嘅男人，目測三十尾，成個金融才俊咁款。
「...噢...唔好意思！」我望一望我部車嘅方向，原來我部車後面行人路上面，
有幾個劃左位嘅專用車位喺度，於是我即時跳返上車將我部車開返前小小泊低，
之後再行返過去阿瑜果邊。
但係當我行緊過去嘅時候，忽然出現左一啲景象令到我有啲...摸不著頭腦，
點解...阿瑜佢...會行左埋去果個男人度嘅？而且...果個男人仲...搭住阿瑜膊頭，
點解會咁架？？
本來行緊埋去嘅我，而家開始卻步...，完成唔敢向前行，點解嘅...明明唔係我嘅問題，
點解我會有一種好驚嘅感覺嘅？眼見阿瑜同佢兩個你一句我一句咁，
而且兩人都面帶笑容，好似好sweet咁，究竟發生緊乜野事呀？
「......！」正當我企左喺度呆左咁望住佢地嘅時候，男仔似乎留意到我，
開始望左過離...就連阿瑜亦都一樣，望一望我..之後仲開始向我依邊行緊埋離添。
我個心好亂，我好想掉頭就走左去，但係...我又好想搞清楚到底發生緊咩野事，
終於...阿瑜行到埋你我面前....
「...你走啦！」阿瑜有啲無奈咁細細聲同我講，
吓...我走？點解要叫我走呀，乜野都未搞清楚！
「...阿瑜你做咩姐你？」我有小小不知所措咁問。
「...我叫你走呀！」阿瑜比起頭先，語氣更重更加肯定。
「...我做錯左啲咩野姐？」我有啲無奈咁問。
「...你冇錯...仲對我好好添，不過我要嘅唔係依啲囉！」阿瑜語氣帶點無奈，但係又帶點責備咁回應。
「...你要啲咩吖，我可以改離就你吖！」我個人開始慌亂，連講野都窒哂！
「...收手啦聰！」阿瑜打斷左我！
「.....！」
「...一開始...我就係因為知道你中左六合彩，所以先會痴埋你度，我承認...我曾經係鍾意過你，
但係...你始終都滿足唔到我呀！」阿瑜雙眼通紅，睇離唔似講緊大話。
「...聰...睇開啲啦，留返個美好回億比大家啦，人地係上市公司董事個仔呀，
幾十憶身家，我唔可以錯失依個機會呀，你明唔明姐！」
「...錢...同物質...真係咁重要咩？」我眼發淚光...好無奈咁問。
「...係...！」阿瑜亦都雙眼通紅，好肯定咁回應。
「......！」我地雙方都deadair 左。
「...忘記我啦...聰！」阿瑜講完最後一句之後，就轉身走左。
望住阿瑜嘅背影，加埋馬會門口嘅背景，腦海入面不停reboot返當日喺馬會攞錢，
第一次見阿瑜嘅情景，就好似發左場夢咁。阿瑜上左個男人部車之後，
我就一個人坐返上我部車度。我坐左喺司機位，將張櫈背拉低，成個人挨左落去，
之後眼淚不由自主咁流出。時間就好似停左落離咁，馬路嘅車由繁忙慢慢變到稀疏，
直到...都開始留意唔到有冇車經過...
「...咯咯～咯咯！」忽然有人敲我車窗。
「...先生，你停左部車喺度好耐啦喎！」係一個帶住頭盔嘅交通警。
我即時拉返起張櫈，再用紙巾整理一下我頭先完全失禁嘅眼淚、鼻涕。
「...有...有啲唔舒服姐！」我口窒回應，不過其實交通警都睇得出我頭先喊離，而且仲應該認得我添，
「...冇乜野就早啲返屋企休息吓啦張生！」交警稍為周圍望一望，之後就回頭走左。
估唔到佢竟然叫我做張生，咁睇離佢真係認得我係邊個，仲講得出我個姓添。
我望一望隻錶，原來已經十二點幾架啦，唔經唔覺呆坐左差唔多五個幾鐘。
交警走左之後，我就開車離開啦。開車途中...我打開車上嘅收音機，
播緊嘅電台節目係一個深宵音樂節目。
https://youtu.be/SUF9IWmeVIo
謝霆鋒 點歌
過了午夜的城市裡 有些大樓依然燈火通明
打開車上的收音機 播著別人點的複雜心情
是否你也在收聽 和我一樣就一個人
沒關係 這是DJ今晚要說的主題
*拖了太久的我和你 到了最後還是各分東西
沒有一首歌說得清 一個可以讓我懂的原因
也只好怪罪個性 或將問題丟給命運
點幾首流行的歌 解釋流行的無情
我點一首歌 別太悲傷的
歌詞裡頭勾人眼淚的字眼別太多
再點一首歌 別太快樂的
我還需要哽咽的歌聲撫慰傷口
代替你放開的手*
Repeat *
我點一首歌 不要對唱的
那些幸福對現在的我有一點過重
最後一首歌 不要熟悉的
尤其是你偏愛的一些纏綿悱惻
那些對我太刺耳